O Elder Uchtdorf Ua Asiasi i Rusia

E malaga atu Aposetolo i le salafa o le lalolagi e auauna atu i tagata ma aoao i latou e uiga ia Iesu Keriso.

Na malaga atu Elder Dieter F. Uchtdorf ma Sister Harriet Uchtdorf i Rusia e fesoasoani i tagata o le Ekalesia iina. Ae lei avea o ia ma se Aposetolo, na masani ona lele Elder Uchtdorf o se kapeteni o le vaalele i Rusia. ●

O Rusia o se atunuu tele, ma e lei i ai lava se malumalu muamua. O le tausaga talu ai na faasilasila mai ai e Peresitene Nelson o le a fausia se malumalu iina. Ua matuai fiafia tagata uma!

Muamua na malaga atu Elder Uchtdorf i Moscow, le laumua o le aai o Rusia. Na fiafia tagata e feiloai ia te ia ma faalogo ao aoao atu o ia. Na ia tau atu e mafai ona tatou fesoasoani i isi ia iloa e uiga ia Iesu e ala i le auauna atu ia i latou.

Ona sosoo ai lea o lona malaga atu i se aai tele e taua o St. Petersburg. I Rusia, o faifeautalai e valaau o “volenitia,” ma latou te saili mo tagata e fesoasoani i ai i aso taitasi. E faatoa mafai ona latou aoao tagata e uiga i le talalelei pe a latou i ai i totonu o se fale o le Ekalesia. Na fai aiga o le afiafi Elder Uhtdorf ma nisi o volenitia o e na faauma a latou misiona ma o le a o i le fale.

E ui lava tatou te le o iloa po o fea ma po o afea e fausia ai le malumalu fou, na uunaia e Elder Uchtdorf tagata uma i Rusia ia saunia o latou olaga mo le aso o le a i ai le malumalu iina.

“Ua tatau ona tatou saunia faaleagaga mo le malumalu.” —Elder Uchtdorf

Saunia mo le Malumalu

O a nisi o auala e mafai ai ona e saunia e alu i le malumalu i se aso?

Tuu se ata o le malumalu i lou potu.

Saili se tasi i lau gafa e lei papatisoina lava.

Talanoa e uiga i le malumalu i se tasi na i ai i totonu.