Te nonori n Ana Boki Moomon
Iesu Kristo bon te …
Tia Karikibwai
“E na aranaki bwa Iesu Kristo, ae Natin te Atua, ae Taman karawa ma te aonaba, te Tia Karikibwai iaon bwaai ni kabane man moan rikin bwaai ” (Motiaea 3:8).
Te Tia Kawakin Tiibu ae Raoiroi
“Te tia kaawakin tiibu ae raoiroi e bon weteingkami; eng, ao n oin arana e bon weteingkami, are bon te ara ae Kristo” (Aramwa 5:38).
Atuan Iteraera ae Tabu
“Taraia, te kawai ibukiia aomata, e wariki, ma e wene raoi n eti i matana, ao te tia taraa te mataroa bon Atuan Iteraera ae Tabu; ao akea te toro ae kamwakuria ikekei” (2 Nibwaai 9:41).
Ana Tibu te teei te Atua
“Ana Tiibu te Teei te Atua bon Natin te Tama ae Akea Tokina, ao bon te Tia Kamaiua te aonaaba; ao … a na riai n nakoina aomata ni kabane, bwa ngkana aki ao a na aki kona ni kamaiuaki.” (1 Nibwaai 13:40).
Mesia
“[Riaai] e kakoaua bwa baike e a tia n noori ma n ongo, ma baike e wareki mai nanon te boki, are e kaotaki raoi iai aron rokon te Mesia” (1 Nibwaai 1:19).
Natina ae Te Rikitemanna
“Ngaia ae, ane e rairananona, ma n aki kamatoa nanona, e na bon karekea te nanoanga rinanon Natiu ae te Rikitemanna, , nakon kamaunaan ana bure” (Aramwa 12:34).
Tia Kabooi Maiura
“Mangaia ae I ataia bwa ko a tia ni kabooaki, ibukin raoiroin am; Tia Kaboko; bwa ko a tia n noora rokon te Uea n uota te kamaiu nakoia aomata ni koron bongina” (2 Nibwaai 2:3).
Tia Kamaiu
“Ao ngkana arona bwa kam kakoaua Kristo, ma ni bwabetitoaki, n te ran moa, ao i mwina n te ai ma te Tamnei ae Raoiroi, ma ni katotonga te banna are iroun ara Tia Kamaiu, … ao e na nako raoi aromi n te bong ni motikitaeka.” (Moomon 7:10).
Natin te Atua
“Ibukina e maiu n te rabwata e na aranaki bwa Natin te Atua” (Motiaea 15:2).