Te Boki ae Kakaawaki Ana Boki Moomon

Iroun Beretitenti Russell M. Nelson

E bitaki man Iriia “Tititati’ n te waaki n Ikotakiia tibun Iteraera,” Riaona, Nob. 2018, 68–70; ao “Ana Boki Moomon: A na Aekakira Maium Ngkana Akea?” Riaona, Nob. 2017, 60–63.

Kakawakira ana Boki Moomon iroumi? Ngkana ko anganaki taian taiman ao taian rubii ke ana Boki Moomon, e nga ae ko na rineia? Ana Boki Moomon bon ana taeka ni koaua te Atua. E reirei taekan Iesu Kristo.

I kaoiko bwa kona wareka Ana Boki Moomon ni katoa bong. Tataro ao iangoi bwaai ake ko reiakini.

Ngkai ko karaoa aei, I berita:

Kona namakinna bwa ko a kaan riki nakon te Tia Kamaiu.
Kona karaoi babaire aika tamaroa riki—ni katoabong.
Tamara are i Karawa e na buokiko ao ni kaunga nanom.
Ko na kona n tokanikai iaon taian kariirii.
Ana Boki Moomon e na karaua nanom, e na kakorakorako,ao e na kakukureiko.
Bitaki ao kamimi a na tabe n riki!

Tera aron Kakaawakin Ana Boki Moomon Iroum?

Te ririki aei ti ikoikoti karaki, tamnei, ao korotamnei iaon ana Boki Moomon ae Moan te Kaawaki. Tina katokai bwa a na nooraki ao tina booreti tabeua n te maekatiin!

Ngke I a bwaati ni wareware, tinau e anganai ana Boki Moomon ao e tuangai bwa N na warekia bwa katauraoau nakon au bwabetito. Mai ikanne, I a warekia naba ni katoa bong. Te karaki ae I tatangiria ngke e kunea te Riaona Riaai.

Keyla S., ana ririki 7, mai Mexico City, Mexico

I anga ana Boki Moomon nakon temanna raou n reirein te reirei.

Felipe M., ana ririki 9, São Paulo, Brazil

Ari K., ana ririki 9, Nuevo León, Mexico

“Kai ni Kamaiu,” Russell K., ana ririki 8, North Carolina, USA

Kanakoa nakoira Am Korotamnei ke te Bwai are Ko Rinanona!

Korea te tamnei, rawea te tamnei, ke koroboki iaon taekan ana Boki Moomon.
Kanakoa nakoira! Taraa te moaniba mai buki bwa kona ataa arona.
Mataku n te Rao ni katoa namwakaina n noora aroia ataei n iriira ana kakao Beretitenti Nelson ni wareka ana Boki Moomon.