Nakoia Kaaro aika Tangiraki,

Ti kukurei ni waaki inanon te ririki ae boou ma ngkami! Tina uaia n reiakina taekan Ana Boki Moomon. Tera rongorongon Ana Boki Moomon ae a tatangiria am utu? Taiaoka buoka natim ni korea te tamnei ao kanakoa nakoira (taraa iteraniba R3). Tina kaoti tabeua man tamnei aikai n te maekatiin n te ririki aei! Aikai tabeua man iteraniba tabeua iaon ana Boki Moomon man te rongorongo aei:

• Te rongorongo mairoun te burabeti (iteraniba R2)

• Te tiata ni wareware (iteraniba R12–R14)

• Waaki ni kakukkurei man karaki man Koroboki Aika Tabu (iteraniba R16)

• Rongorongon ana utu Riaai ao Taara (iteraniba R20–R23)

• Rongorongon te ataeinimwaane ae kunea te kawai ae boou ni warekan Ana Boki Moomon (iteraniba R4–R5)

Tekeraoi n Te Ririki ae Boou!

Te Rao

Aron Kanakoan Ana Korotamnei Natim ke Rabakauna nakon te Riaona

Nakon liahona.ChurchofJesusChrist.org ao kotea “Kanakoa te Rongorongo ke te Kukune.” Ke kanakoa nakoira n te imeeri iaon [e-mail] n raonaki ma aran natim, ana ririki, tabo ni maeka, ao te kariaia aei: “Ngai, [karina aram], I anga au kariaia nakon Ana Ekaretia Iesu Kristo Ibukiia Aika Itiaki ni Boong aika Kaitira bwa kam na kabongana ana bwai natiu are e karinna n ana maekatiin te Ekaretia, iaon ana webutiaite ao bwaai n reitaki aika a maiu man te iti, ao are e kona naba inanon ana ribooti te Ekaretia, bwaai ake a boretiaki, witeo, bwaai ni wareware, ao bwaai ni kataneiai.” A ingainga nanora ni kan ongora mai iroum!