Ataei ao te Roronrikirake:Boton te Taratara n te Maiu ni Katoabong
Tamnei iroun Randy Collier
E bae ni kakubanakoko bwa Ataei ao te Roronrikirake e aki kairii kabwarabwaraan raoi rinanin kouru nako ake ko riai ni karaoi. Ko a bon kaman karaoi bwaai aika a kamimi aika a mwaiti! N onean mwiin anne, te tetere nakoim aei e na karekea te ibubuoki nakoim ni kaniiko riki nakon te Tia Kamaiu ni kawai ake a na kaungaaki man kainnanom ao bwaai ake ko nano riki iai.
Oin te kantaninga ibukiia Ataei ao te Roronrikirake bwa a na buokiko ni kakorakora am onimaki iroun Iesu Kristo. Ruka 2:52 e reireiniira bwa inanon kairaken Iesu Kristo, E “riki rake Iesu n rabakau ma n ikawai, ma n akoaki iroun te Atua ma aomata.” E maiuakina te maiu ae baeranti, ao ngaira ti kona naba. Man kabotoan ara iango iaon te maiu n tamnei, ni bobo ma aomata, n rabwata, ao ni wanawana ni bwaai nako inanon maium, ko kona n riki n ai aron te Tia Kamaiu.
Kabwarabwara mai Irarikin Raan, iroun Simon Dewey
E kanga aron Mwakuriana
Ataei ao te Roronrikirake e kaungangako bwa ko na rikirake n te maiu n tamnei, ni bobo ma aomata, n rabwata, ao ni wanawana man kabaeakim inanon reiakinan te euangkerio, ibuobuoki ao waaki ni Kakukurei, ao karikirakeam I bon Iroum.
Reiakinan te Euangkerio
N aron te Tia Kamaiu “rikirake n rabakau” (Ruka 2:52), ko kona n rikirake n am atatai ao n otam n te euangkerio. Reirei nako n te euangkerio ake ko reiakini a na buokiko n ata aron te Tia Kamaiu ni kona ni kakorakora ao ni kakabwaiako ni mwakoron maium ni kabane.
Ti karekei bwaai n ibuobuoki aika a rang mwaiti ake ti kona ni kabonganai n reiakin riki taekan reirein te euangkerio ao n riki n ai aron te Tia Kamaiu. Te katoto, te tataro, kamatebwaian booki aika tabu, ao te Tamnei e na katauraoa aana. Am utu ao taan kairiiri n te Ekaretia a kona ni buokiko n reiakina riki taekan te Tia Kamaiu. Te Nakomai, Iriirai karikiram ao tieminari a kona ni buokiko ni kaira am kamatebwai. Ngkai ko kabonganai bwaai n ibuobuoki n reiakina taekan Iesu Kristo ao Ana euangkerio, am reitaki ma Ngaia e na rikirake.
Mwakuri n Ibuobuoki ao Waaki ni Kakukurei
Buokaia tabeman bon teuana te bwai are e karaoia te Tia Kamaiu ngke E mena iaon te aba. Man karekean bwaai aika beebete ao kawai aika e tataneiai te aba iai ni buokiia kain am utu ao te komiuniti, ko iriira ana banna ni katoto ao ko kabaeaki bwa kona riki n riki n ai Arona.
Waaki ni kakukurei n te kurubu aika a nano a kona ni buokiko ao tabeman kairake ni kunei kawai ni buokiia tabeman n raonaki ma te bane n rikirake n tamnei. Waaki ni kakukurei aika a kaunga, kakukurei a bon kamarurung. Ao ngkana kam ikotaki ni kabane n te kurubu bwa aika Itiaki ni Boong aika Kaitira aika kairake, kakaonimaki, kam kona n tainako n reiakinaki ao ni katiai aika a mwaiti riki nakon are ko kona ibon iroum.
Rikirakem I bon Iroum
Tamara are i Karawa ao Iesu Kristo e tabeaianga ibukim ni koaua ao ibukin arom are ko nang karekea. Ngkai ko karaoi am kouru bwa kona riki bwa te aomata are e tangiria Tamara are i Karawa bwa kona riki nako iai, ko kona ni kaan riki Nakoina ao Natina.
Aomata nako a bon onoti, ngaia are kam kouru ibon iroum bwa kona rikirake e riai ni karaoaki ibukin kainnanom. Te katoto, ngkana ko tangiria ni kan katanga te kuna iaon te biano, kona bae ni karaoa am kouru bwa kona kataneiai ni katoabong. Ngkana ko tangiria bwa kona rabakau riki ni kamatebwaian booki aika tabu, kona bae ni katea am tai teuana ni katoabong bwa kona wareware. Ukoukokra ana kairi te Tamnei bwa kona kaotinakoa te baire are e na nakoraoi raoi ibukim.
Ataei ao te Roronrikirake bon IBUKIM
Te aomata are e na rang kabwaia bon ngkoe! Ngkai ko katei am kokuru ni kamatebwai ao ni maiuakina te euangkerio, irii mwakuri n Ibuobuoki ao Waaki ni Kakukurei, ao ni karikirakea arom, ko na reiakina ae mwaiti riki ibukim ao ni kinako bwa antai raoi ngkoe. Te mwakuri n riki bwa ana reirei Iesu Kristo e kona n riki bwa te kakaewenako, ma bon te kanuanga ae uaana ni kouru are ti kona ni kateia ibukira.
Taari aika Bwebwee a Katoka Ataei ao te Roronrikirake ni Kamwakuria
Te roronrikirake n ai arom a tia ni kaman waaki n noori kakabwaia ngkai a kataia n riki n aron Iesu Kristo inanon maiuiia ni katoabong. Danika ao Natasha R., 15, mai Ohio, USA bon bwebwee aika a baireia bwa a na karaoa ae aron anne. Tamaia bon kain Thailand, ao ibukina bwa n tabetai a kawariia aia utu ikekei, Danika ao Natasha a baireia bwa a tangiria n reiakina ae mwaiti riki ni kanaia kain Thailand ao aia taetae.
Danika e katea ana kouru bwa e na reiakina tabeua kukanakin aia tubu kain Thailand. E bobwai ni karekei bwain ana kuuka ao e kataneiai ni kukani kuuka n aroia ae boou ma tamana. Natasha e tangiria ni kan reitaki ma ana utu i Thailand, ngaia are e katea ana kuru bwa e na reiakina teuana te taeka ae boou ni katoabong. E kabongana te webutiaite ni buoka ana kamatebwai iaon te taetae ao e kataneiai ni katanga te taeka ma tamana.
Ngkai Danika ao Natasha a mwakuriia aia kouru, a tangiria n tibwa te bwai are a reiakinna ma ataeinnaine n aia uoote. Aia mataniwi e buokiia ni bairea te waaki ni kakukurei bwa a na reiakina riki taekan Thailand. N tain te waaki ni kakukurei, Danika e kukana te tuubu ibukiia ni kabane ngkai Natasha e reireiniia tabeua taetae n Thailand.
Taari aikai a kaira naba raraoia ae Grace n te waaki ni kakukurei. Grace iai ana kouru ibon irouna bwa e na katamaroa riki ana taetae nakoia te botannaomata, ngaia are e anga ana reirei iaon aron kabonganaan te kai n amwarake bwa aonga ni kona ni kana aia tuubu!
Man aia kataneiai n aia kouru ao ni mwakuri ma aia taan kairiri ao ataeinnaine ake tabeman, Danika ao Natasha a kona ni bairea te tairiki ni kakukurei ma raoraoia.
Kakabwaia n Irakin nanoia Ataei ao te Roronrikirake
Danika ao Natasha a tibwaia bwa a tia ni karekei kakabwaia aika a mwaiti man kataakin reiakinan riki rikiia ao ni bukamaruia ma aia utu ao ataeinnaine tabeman. Aia taneiai e aki reke n akea taian kangaanga. Natasha e kabwarabwara, “I mena n te reirei ngke I reiakina te taetae n Thailand, ngaia are e bon kangaanga n tabetai bwa N na karekea au tai ni karaoia.” Danika e reitia, “N te waaki ni kakukurei, iai au kangaanga teutana ni karaoan te tuubu ibon irou ngkai e aki mena ikekei tamau.” Ma taari aikai a uaia ni booraoi bwa e ngae ngke iai kangaanga, e bon uaana.
Danika e taku, “I tangiria bwa e reke au tai ma tamau, ao e buokai n namakinna bwa I kaan riki nakoia au utu.” E kabwarabwara naba, “Karaoan ao kawakinan au kouru ibon irou e buokai ni kaniiai riki nakon Iesu Kristo n anganai te kawai ae itiaki ibukin buokau ao tabeman. Irarikin are tekatekau n akea au iango n aron tairiki tabeua, I a tia ni katea te kainibaire ae N na iria ao n teimatoa nako iai, ao e anganai riki te tai ae mwaiti n iangoa Kristo.”
Natasha e taekinna bwa karaoan ao kawakinan ana kouru e “bon anganai bwa N na iangoraoi riki n te bwai ae I kainnanoia ao n tangiria ni karaoia bwa N na kaan riki nakon Kristo.” E taekinna naba bwa e ngae ngke e a tia ni bita ana taratara nakon te kouru ae boou, e kaungaaki bwa e na reitinako n reiakina te taetae n Thailand: “Au moan ni kouru bon reiakinan te taetae n Thailand bwa I aonga ni kona n taetae ma au utu Thailand, ngaia are I tangiria n reitinako n reiakina te taetae n Thai bwa I aonga n taetae ma ngaiia.”
Danika ao Natasha aia kawai ae baeranti ibukin rikirakeia ibon irouia e buokiia n reiakina riki ana katei aia karo, n reitaki ma raraoia, ao ni kaan riki nakoia aia utu ao te Tia Kamaiu—ao anne te bwai ae nanonaki irouia Ataei ao te Roronrikirake.
Aromi n ira nanon Ataei ao Kairake e kona naba ni buokiko ni katea te reitaki ma am utu, kairake ake tabeman ao kain te uoote, ao riki te Tia Kamaiu ngkai ko kabotoa am taratara iaon am kona n riki bwa te kabanea n tamaroa ngkoe.