Iangoakin Taai aika A na Roko, e Kaungaaki man Bwaai aika a Tia n Riki

Bwa angiina n te aonaaba, te ririki ae boou bon te tai n iangoi taai aika a na roko. Ma bon te tai naba n reiakinaki man taai aika a tia n nako. N te tabo are e riai ni karaoaki iai te babaire n te tabo are ti a tia n roko iai ao te tabo are ti na nako iai, ti kunei taai n rikirake.

Ma te katei anne, e aki tii katerei tabeua bitaki aika a kakukurei ibukin taai aika a na roko, ma e rinanon arora n taai aika a tia n nako bwa ti aonga n ota n ara itera ao te bwai are e na roko.

N te ririki aei ti kauringa200 n ririki ibukin te Moan Kaotioti. Te Moan Beretitentii ao tabeman a tia ni katauraoi rinanin rongorongo ake a rinanon taai ake ngkoa ao ni buokiira ni kanakoraoa arora n taai aika a na roko. N te namwakaina aei Beretitenti M. Russell Ballard, te Bonomwi ni Beretitenti n te Kooram irouia Abotoro n te Tengaun ma Uoman, e buokiira ni kaotaira n ara tabo are ti mena iai n reitinakon Kaokanibwaai n abanuean te Atua ao Ana mwakuri ni katauraoira ibukin te Kauaoki (taraa iteraniba 12).

Taraakin taai aika a na roko, te rongorongo aei e katauraoi naba bwaai n ibuobuoki ibukin aia mwakuri Ataei ae boou ni boutokaia ataei ao te roronrikirake (tara iteraniba 20 ao 26) ao e karaoa kawain te kamatebwai n Ana Boki Moomon ibukiia aomata nako ao utu (taraa iteraniba 34 ao 38). Ara kanoa ibukiia te roronrikirake e kaota te botoniango ae boou ibukiia (taraa 56 ao 60).

Ara kantaninga bwa te Riaona e reitinako bwa te bwai n ibuobuoki ae boongana ni boutokaakin kamatebwaian te euangkerio ae boboto n te mweenga ngkai ti waaki nako n ikotaki, ni kaungaaki man te rikirake n taai ake ngkoa.

Adam C. Olson

Manatia n Eteta