E Tamaroa Riki Teutana ni Katoabong
Iroun Titita Joy D. Jones
Beretitenti ni Kabuta n te Moanrinan
Ngke I uarereke, I kakatanga te waeariin. I tangiria bwa e na tangiraoi. I tatangiria ni katangnga nakoia au karo bwa a na kangai, “O, Joy, e rangi n tikiraoi anne!” Ma e bon aki tangiraoi. E tang biti!
N tabetai ngkana I aki kataneiai, au tia reirei e na kangai, “Joy, ko kataneiai n te wiiki aei?” E karikai bwa N na tangiria ni kataneiai bwa I aonga ni kona ni katanga ae tamaroa riki n te wiiki are imwiina.
N tanrikaki, katangan te waeoriin bon te taneiai ae tikiraoi ibukina bwa e kangaanga. E ngae ngke I aki tatangiria ni kataneiai, e mwaiti ae i reiakinna man katean te kouru bwa N na kataneiai teutana ni katoabong.
Anne ae I kantaningaia bwa N na karaoia. Kataia karaoa ae tamaroa riki ni katoabong. Tamara are i Karwa e aki kantaningaiko bwa kona kona ni karaoi bwaai ni kabane n teuana te tai. Te maiu bon taekan te reiakinaki ao te rikirake teutana imwiin teutana inanon taina. E tangiria bwa kona teimatoa ni kataia. Ao e tangiriko bwa kona kukurei n te rikirake!
N tabetai ti rangi ni matoa nakoira. N ara iango, “I a kabwaka. I aki kona ni karaoia,” ao imwiina e bwara nanora. Ma te Tia Kamaiu e taekinna, “Teimatoa waaki nako. I mena ikai bwa N na buokiko!” Ibukina bwa iai Iesu Kristo, ti aki kona ni karaoia n tii ngaira. Ti kona n teirake ni kataia riki ma Ana ibuobuoki. Anne raoi aron te maiu aei.
Ngkana iai te bwai ae I tangiria bwa kona ataia inanom, bon kaotakina bwa Tamara are i Karawa e tangiriko. Ko kona ni kaitara ma bwaai aika a kangaanga, ma ko a tia ni kaman katauraoaki imwain rokom iaon te aba n te tai aei. Ti teimatoa ni kataia ao teimatoa n tibwa am taura. Tamara are i Karawa e na kakabwaiako ao e na kairiko ngkai ko iriira kawain te berita. ●