Tera ae e Tei n Onea Mwiin Uaan te Kai ni Miin Riaai?

Ni miin Riaai, tera ae e tei n onea mwiin te uaa ni kai, are e “moamoa tangirana nakon tangiran bwaai ni kabane? (1 Nibwaai 11:22).

“Uaan te kai are iaona bon te kanikina ibukin kakabwaia n Ana Mwakuri ni Kamaiu [Iesu Kristo]. Kanakin uaan te kai e tei ibukin karekean otenanti ao berita aika tabu are e na kona iai te Mwakuri ni Kamaiu ni kabwaninna ni kabane n rotiira n maiura” (David A. Bednar, “Miin Riaai: Taua Kamatoa te Kai te Biti,” Riaona, Okitobwa 2011, 34).

Otenanti aikai n aron te bwabetito, te kamatoa, te katabu ibukin te Nakoanibonga ibukiia mwaane, ao otenanti n te tembora.

Kakaean te Uaa ni Kai

Te kai te biti, ke ana taeka te Atua, a kairiira nakon Iesu Kristo ibukina bwa koroboki aika tabu ao burabeti aika ngkai a kaoira bwa ti na karekei otenanti ao berita aika tabu ao ni buokiira n ataa ana reirei Iesu Kristo, ana mition, ao ana anga karea.

Tera taeka man koroboki aika tabu ke mai irouia burabeti aika ngkai ae e a tia ni kairiko nakon Iesu Kristo?

Tiiku ma Uaan te Kai

Tabeman aomata ni miin Riaai a kitana uaan te kai ibukin te kamaamaa ao te bwai ni ngare mai irouia tabeman. N tiku ma uaan te kai bon te tiku ni koaua nakon ara berita aika tabu ao n nanakon taabo ake a karaoaki berita akanne iai.

Tibwauaan Uaan te Kai

Imwiin kanakin uaan te kai iroun Riaai, e tangiria n tibwaia ma ana utu bwa a aonga n namakina te “kimwareirei ae moan te bati” are e namakinna (1 Nibwaai 8:12).

Ko na kanga n tibwaua ana tangira Iesu Kristo ao ni buokiia tabeman ni irii otenanti?