Mahal Naming mga Magulang,

Masaya kaming simulan ang bagong taon kasama kayo! Sama-sama tayong matututo tungkol sa Aklat ni Mormon. Anong mga kuwento sa Aklat ni Mormon ang gusto ng inyong pamilya? Mangyaring tulungan ninyo ang inyong mga anak na magdrowing ng isang larawan at ipadala ito sa amin (tingnan sa pahina K3). Ipapakita namin ang ilan sa mga drowing na ito sa magasin ngayong taon! Narito ang iba pang mga pahina tungkol sa Aklat ni Mormon mula sa isyung ito:

• Mensahe mula sa propeta (pahina K2)

• Tsart sa pagbabasa (mga pahina K12–K14)

• Aktibidad para sa kuwento sa banal na kasulatan (pahina K16)

• Kuwento tungkol sa pamilya nina Lehi at Saria (mga pahina K20–K23)

• Kuwento tungkol sa isang batang lalaki na nakahanap ng bagong paraan para basahin ang Aklat ni Mormon (mga pahina K4–F5)

Maligayang Bagong Taon!

Ang Kaibigan

Paano Ipapadala ang Likhang-sining o Karanasan ng Inyong Anak sa Liahona

Pumunta sa liahona.ChurchofJesusChrist.org at pindutin ang “Submit an Article or Feedback.” O i-email ito sa amin sa [e-mail] kalakip ang pangalan, edad, at lungsod na tinitirhan ng inyong anak, at ang pahayag na ito ng pagpapahintulot: “Ako, si [ilagay ang iyong pangalan], ay nagbibigay ng pahintulot sa Ang Simbahan ni Jesucristo ng mga Banal sa mga Huling Araw na gamitin ang isinumite ng aking anak sa mga magasin ng Simbahan, sa mga website at social media platform ng Simbahan, at maging sa mga ulat, produktong inilimbag, video, lathalain, at materyal sa pagsasanay ng Simbahan.” Nasasabik kaming makarinig mula sa inyo!