E Faapefea Ona Fetalai Mai Tamā Faalelagi ia te A’u?

Saunia e Peresitene Dallin H. Oaks

Fesoasoani Muamua i le Au Peresitene Sili

Sii mai le “O Auala e Valu e Mafai Ona Fetalai Atu Ai le Atua ia te Oe,” New Era, Set. 2004, 4–8.

E mafai ona fetalai mai Tamā Faalelagi ia i tatou i le tele o auala eseese. Ina ua tatalo Iosefa Samita po o fea le ekalesia e sa’o, sa faaali mai Tamā Faalelagi ma Iesu Keriso ia te ia ma talanoa faafesagai ma ia. Ae masani lava ona fetalai mai Tamā Faalelagi ia i tatou e ala mai i le Agaga Paia. Na te tuuina mai ia i tatou manatu i o tatou mafaufau ma lagona i o tatou loto.

O nisi nei o auala e mafai ona tatou lagona ai o Ia:

O se lagona e alofa Iesu ia i tatou ma e moni le talalelei
O se lagona o le mafanafana pe a tatou faanoanoa pe tuuatoatasi
O se lagona fiafia pe a uma ona tatou salamo
O se lagona lelei pe a tatou faalogo i ni musika matagofie pe tagai i faatufugaga musuia
O se lagona toafilemu o se mea o se filifiliga lelei
O se lagona o le lapataiga e faapea ua sese se mea

Filifili le Mea Sa’o ma Faalogo

Pe a fetalai mai Tamā Faalelagi ia i tatou e ala mai i le Agaga Paia, ua ta’ua o le “faaaliga.” E le tuuina mai e Tamā Faalelagi ma Iesu Keriso ia i tatou faaaliga e uiga i mea uma tatou te faia. Ae e lē tatau ona e popole. Afai o loo tatou taumafai e filifili le mea sa’o ma faalogo i le Agaga Paia, o le a La’ua fesoasoani ma taiala i tatou pe a tāua. ●

Ata na tusia e Katie Rewse