Ua I Ai Iinei le Ekalesia

Aai o Sate Leki, Iutā

Ata na pueina e John Luke

O le nofoaga autu faaletaitaiga o le Ekalesia Toefuataiina a le Alii ua tuufaatasia i le lotoa o le malumalu, i le fatu o le aai o Sate Leki. O nisi o fale e fiafia i ai e aofia ai le:

1. Faletusi o Talafaasolopito o le Ekalesia:

   E teuina mo le faasaoina o le talafaasolopito o le Ekalesia o aso e gata ai.

   Sa faamaeaina le fausiaina i le 2009.

2. Maota o Ofisa o le Ekalesia:

   O ofisa tutotonu mo matagaluega eseese a le Ekalesia.

   Sa faamaeaina le fausiaina i le 1972.

3. Maota o le Aualofa:

   Laumua mo Au Peresitene Aoao o le Peraimeri, Tamaitai Talavou, ma le Aualofa.

   Sa faamaeaina le fausiaina i le 1956.

4. Maota o le Pulega a le Ekalesia

   O Ofisa mo le Au Peresitene Sili, o le Korama a Aposetolo e Toasefululua, ma nisi o sui o le Au Fitugafulu.

   Sa faamaeaina le fausiaina i le 1917.

5. Maota Faamanatu o Iosefa Samita

   Sa avea muamua o se faletalimalo, i le taimi nei ua avea o se Faletutotonu o le FamilySearch, o se faletifaga mo ata tifaga a le Ekalesia, o faleaiga, o ofisa o pulega a le Ekalesia, ma se falesa.

   Faamaeaina le faletalimalo i le 1911; toe faafouina i le 1993.

6. Malumalu o Sate Leki:

   A o lei tapunia ia Tesema 2019 mo faafouga, sa avea ma se tasi o le 166 o malumalu faaaogaina i le lalolagi atoa. O le a toe tatalaina i le 2024.

   Faapaiaina i le 1893.

7. Fale Tutotonu i Matu mo Tagata Asiasi Mai:

   E fesoasoani e faafeiloai le 3 i le 5 miliona tagata asiasi i le Lotoa o le Malumalu i tausaga taitasi.

8. Tapeneko i Sate Leki:

   Fale o le Aufaipese a le Tapeneko i le Lotoa o le Malumalu.

   Sa faamaeaina le fausiaina i le 1875.

9. Fale Mataaga o le Talafaasolopito ma Faatufugaga a le Ekalesia

   E fesoasoani e faamatala ai le tala o le Ekalesia e ala i faatufugaga ma measina.

   Sa faamaeaina le fausaga i le 1984.

10. Faletusi o Talafaasolopito o Aiga:

    O le faletusi o gafa sili ona tele i le lalolagi.

    Sa faamaeaina le fausiaina i le 1985.

11. Nofoaga Autu mo Konafesi

    Nofoaga o loo i ai nei o le konafesi aoao, nofoaga e 21,000 tagata; e faaaoga foi mo konaseti ma faafiafiaga faaleaganuu.

    Sa faamaeaina le fausiaina i le 2000.