E Faapefea Ona Taumafai Satani e Faasesē i tatou?

2 Nifae 26–30 (24 Fepuari 24–Mati 1)

Na lapataia i tatou e Nifae e uiga i le tolu o metotia taufaasese a le tiapolo.

1. Ita i le Lelei (2 Nifae 28:20)

E faapefea ona faia e Satani ia feita tagata e uiga i mea lelei ?

O nisi nei o mea lelei e ono faaosoosoina e Satani tagata ina ia feita i ai:

Faaipoipoga ma aiga masani ai.
O le agalelei ma le agaalofa mo tagata uma, e aofia ai ma i latou o e ese mai ia te oe
Lotu faatulagaina

2. Faigofie ma le musuā (2 nifae 28:21)

E faapefea e Satani ona uunaia tagata ia matuā toafimalie lea latou te taofi ai le popole e uiga i le faasagatau e tetee atu i le leaga pe taofi ni taumafaiga e tuputupu ae ai faaleagaga?

O nisi nei o pepelo atonu o loo ta’u mai e le tiapolo ia i tatou ina ia tatou faataigalemu:

Pau lava le mea e taua o le faafiafiaina i le olaga ma maua mea mananaia.
Soo se mea lava e lē saofagā pe lē toafimalie ai e tatau lava ona faapea e leaga, o lea ia aloese mai ai.
Afai lava e foliga mai o loo sologa lelei le olaga, pau lena o le mea e taua.

3. Leai se Tiapolo, Leai se Leaga, Leai ni Taunuuga (2 Nifae 28:22)

E faapefea e Satani ona uunaia tagata ia taofi le talitonu e i ai moni lava le leaga ma o le a faamasinoina i tatou e le Atua?

O nisi nei o pepelo ua ta’u mai e Satani ia i tatou e faatalitonu ai i tatou e leai se leaga ma leai ni taunuuga:

Na o le pau lava lea o le olaga, o lea ia ola e faafiafia oe lava.
Afai e lelei ai le faalogona, ia fai loa.
Tilotilo solo. E lē o faasalaina le au amioleaga. Aisea la e lē faafiafia ai pei o latou?

Vaiaso 1

Ata na tusia e Augusto Zambonato