E Mafai Faapefea Ona Tatou Aloese Mai le Vaavaai i Talaatu o le Faailoga?

Na aoao mai le perofeta o Iakopo e faapea o le tauaso faaleagaga o Iutaia e sau mai le “vaavaai i tala atu o le faailoga” (Iakopo 4:14). E mafai faapefea ona tatou aloese mai le vaavaai i talaatu o le faailoga?

O Le a le Faailoga?

“Ua faatauasoina [nisi] ona ua latou ‘vaavaai i talaatu o le faailoga’ (Iakopo 4:14) a o le faailoga o Keriso.”

Elder Neal A. Maxwell (1926–2004) o le Korama a Aposetolo e Toasefululua, “Jesus of Nazareth, Savior and King,” Ensign, Me 1976, 26.

O le a le uiga o le vaavaai i talaatu o le faailoga?

I fanafanaga aū, afai e te manao e lavea tonu le sini taula’i, e tatau ona e fa’ata tonu i ai. O le vaavaai i tua atu o le sini taula’i o le a mafua ai ona e misia. Atonu o se tasi lena o mafuaaga o le upu agasala i le Feagaiga Fou e sau mai le upu Eleni o le hamartia, o lona uiga “o le misi o le faailoga.” O a agasala a tagata Iutaia o loo ta’ua i le Iakopo 4:14?

E Faapefea Ona Tatou Tautonu i le Faailoga?

“Afai o lo tatou taulaiga autu, mafaufauga, ma taumafaiga e taulai i le faateleina o lo tatou alofa i le Atua Silisili Ese ma tuuina atu o tatou loto i isi, e mafai ona tatou iloa ua tatou maua le taulaiga sa’o ma o loo taulai atu i le taulaiga autu—o le avea ma soo moni a Iesu Keriso.”

Elder Dieter F. Uchtdorf o le Korama a Aposetolo e Toasefululua, “Taulai Atu i le Ogatotonu,” Liahona, Ian. 2017, 5.

Vaiaso 3

Atatusi mai le Getty Images