Aao Fesoasoani o Iesu
E tasi se taimi na matou o ai i se nofoaga taalo autu o tamaiti. O se tasi o gaoioiga o se mauga maualuga lava, lea e tatau ona e a’e ai i luga e faaaoga ai se maea. E tele taimi sa ou taumafai e a’e ai, ae sa na o le tolu-kuata lava le maualuga na ou oo i ai. I le toetoe lava ou taunuu i le tumutumu, ou te toe pa’ū lava ma sese’e ifo i lalo i le taele o mauga.
Sa ou lagona e pei o le a le mafai lava ona ou au atu i le tumutumu. Ona vave lea ae a’e se tagata faigaluega i luga o le mauga ma tuu mai ia te a’u lona lima mai iina. Faatasi ai ma lana fesoasoani, sa faigofie ai lava ona ou oo i le tumutumu.
I lena lava taimi sa ou mafaufau ai ia Iesu. Na te faia foi le mea lava lena e tasi mo i tatou. A tatou faia le mea sili tatou te mafaia ae le ausia lava la tatou sini, Na te tuuina atu Lona aao fesoasoani ia i tatou. O lenei aafiaga sa matuā faaleagaga lava mo au, ma o le a ou manatuaina i lo’u olaga atoa. ●
Ata na tusia e Maren Scott