Sau Mulimuli Mai Ia Te Au: Tusi a Mamona
O Le a Se Mea e Mafai Ona Tatou Aoaoina Mai i le Talafaatusa o le Laau o le Olive?
Iakopo 5–7 (Mati 16–22)
I le talafaatusa o le laau o le olive, na maua ai e le matai o le togaolive lana laau olive i se tulaga o le pala ma fai mai, “o le a ou teuina [le laau], ma eli faataamilo ai, ma tausi i ai” (Iakopo 5:4).
-
Teuteuina o le aveesea o lala ua mate ma fua leaga mai se laau. Na tipi ese e le Matai ia lala ua mate ma lafo i latou i le afi (tagai i le Iakopo 5:9). E faapefea ona fesoasoani mai le Atua ia i tatou e “teu” o tatou olaga o agasala ma vaivaiga?
-
Eliina e aofia ai le aveesea o faafitauli, e pei o vao, mai le salafa o se laau. O le eliina e mautinoa ai o le a leai se mea e taofia ai le gafatia e le laau e tupu ae. O a ni faafitauli e taofia ai i tatou mai le tuputupu ae faaleagaga?
-
Faafaileleina e tausia se laau ia ola maloloina e ala i le saunia o minerale ma isi meaai. E pei o laau, e manaomia e o tatou agaga le fafagaina. E faapefea ona tatou faafaileleina o tatou agaga?
I le talafaatusa atoa, na asiasi atu le matai ma lana auauna i le tovine i nisi o taimi (tagai i le Iakopo 5:15–18, 29–32, 37–42). O taimi uma lava, e toe fai ai le faagasologa o le teuteuina, eliina, ma le faafaileleina.
O le matai o le togaolive ua suitulaga ia Iesu Keriso. O le laau ma ona lala e suitulaga i Lona nuu. O lenei talafaatusa e sili atu nai lo na o se tala e uiga i laau ma fua. O se molimau mamana o le aofia ai o le Atua i olaga o lana fanau ma le misiona a le Faaola ma lona alofa mo tagata uma.
Vaiaso 4
Ata mai le Getty Images