Elda Matthew S. Holland

Jeneral Atoriti Seventi

Elda Matthew S. Holland i no wan strenja long Ol Jeneral Atoriti o ol jeneral konfrens.

Plante Lata-dei Sent oli save hem tu olsem boe blong Elda Jeffrey R. Holland blong Kworom blong Olgeta Twelef Aposol. Ol narawan oli save tingbaot hem olsem wan boe blong 17 yia we i bin toktok long Epril 1983 jeneral konfrens, long prishud sesen.

“Hem i bin wan gudfala blesing, ful laef blong mi, blong luk olsem wanem, mama mo papa, tufala i bin stap laef, wanem oli bin komitim tufala blong mekem, mo wanem oli bin askem tufala blong mekem,” Elda Holland i talem, we naoia, i stap prisaed ova long Not Karolina Ralit Misin.

“Yet, from ol samting ia we mifala i luk long ae blong mifala, mifala i save tumas abaot koling ia, mo ting se mifala i naf from,” hem i ademap. “Laki tumas, mifala i bin lanem tu se Lod i mekem olgeta we Hem i singaotem oli kwalifae, mo mifala i gat fulap fet long hemia mo harem gud long hem.”

Elda Holland i tingbaot se, blong toktok blong jeneral konfrens, i save mekem man i fraet. Blong rere long wan mesej we i stap kam “laen folem laen, tijing folem tijing” (2 Nifae 28:30) i kam olsem “wan eli blesing we i mekem man i harem gud blong save se, taem yu akseptem ol wok we oli kam long Lod, bambae Hem i helpem yu mo givim yu ol tingting mo ol filing abaot ol samting we i nid blong serem.”

Matthew Scott Holland, i bon long Sol Lek i bon i kam long wol ia long namba 7 Jun 1966, long Provo, Yuta, YSA, mo hem i boe blong Jeffrey R. Mo Patricia Holland. Hem i bin maredem Paige Bateman long 20 Mei 1996 long Sent Joj Yuta Tempol. Tufala i papa mo mama blong fo pikinini.

Edukesen blong Elda Holland i tekem hem blong kasem trifala digri long politik saens— digri blong arts long Brigham Yang Yunivesiti long 1991, mo wan masta blong art mo dokta blong filosofi, tugeta ia long Diuk Yunivesiti, long 1997 mo 2001.

Taem hem i bin stap olsem wan asosiet profesa blong politik saens long BYY (2001-2009), oli bin putum hem olsem presiden blong Yuta Vale Yunivesiti long 2009, mo i wok kasem koling blong hem olsem misin presiden i bin kam long 2018.

Hem i bin stap olsem wan bisop, hae kaonsela, kaonsela long bisoprik, wod Yang Man advaesa, wod misin lida, Sandei Skul tija, mo fultaem misinari long Skotlan Edinbeg Misin.