Lokol Pej
Niu Komunikesen Daerekta Bae I Sapotem Ol Kongregesen mo Ol Komuniti long Niu Silan mo Ol Aelan long Pasifik
Long Jun long yia ia, Tania Torea, we i kam long Porirua long Niu Silan, i bin stat blong wok olsem Asisten Eria Komunikesen Daerekta blong Jos Ia blong Jisas Kraes blong Ol Lata-dei Sent long Pasifik Eria.
Hem i wok kolosap long Richard Hunter we i Eria Komunikesen Daerekta, mo ol volontia blong Jos raon long rijin.
Misis Torea i gat wan gudfala bakgraon blong andastanem wanem i stap long Jos mo ol komuniti, mo afta, blong tekem ol pipol oli kam tugeta blong faenem ol ansa we bae i blesem evriwan.
Seves blong hem, olsem wan volontia komunikesen daerekta blong haf blong Not Aelan blong Niu Silan, mo Saot Aelan, blong ol las seven yia, i bin luk se hem i bin mekem fren wetem plante pipol long Katolik, Angliken, Muslim mo Jiu komuniti mo ol nara komuniti.
Hem i bin help tu long plante bigfala storian blong helpem ol man Niu Silan blong helhelpem olgeta, blong oli respektem ol samting we oli defren long olgeta, mo blong haelaetem ol samting we oli yunaetem yumi.
Volontia wok blong hem wetem ol gavman ofisa mo ol nara grup—speseli raon long ol projek olsem blong mekem ples i naes, planem ol tri, ol klinap blong ol pablik ples, riperem ol skul, mo kolektem kaekae—oli bin mekem olgeta we oli tekpat oli kam wan mo i leftemap tingting blong olgeta.
Wan hadwok we i stap long hat blong hem, hem i baten projek, wetem ol memba mo ol fren blong Welington Jiu komuniti. Longtaem puswok ia i bin luk se olgeta we oli bin tekpat oli bin kam tugeta oltaem blong oli klinim mo polisim ova long wan milian baten blong wan eksibisen we i tingbaot mo givim ona long moa long wan milian pikinini we oli bin ded long Holokos long taem blong Wol Wo 2.
Niu rol blong hem long wok blong hem bae i sapotem ol lida, ol memba mo ol misinari blong Jos Ia blong Jisas Kraes blong Ol Lata-dei Sent raon long Niu Silan mo ol aelan blong Saot Pasifik.
Lukluk blong Misis Torea bae i blong helpem ol lokol lida mo memba blong faenem ol bigfala jalenj we Jos mo ol bigfala sosaeti oli stap fesem, mo afta, blong faenem wan rod blong komunikesen blong mekem laef blong wanwan i kam antap, mo blong blesem ol famli mo ol komuniti.
Plante long ol wok ia, bae hem i wok wetem ol gavman, ol nara fet, mo ol nara grup blong komuniti blong kasem wan gud risal blong evriwan.
Misis Torea i talem se hem i stap luk fored long jalenj ia mo ol hop ia blong gat Heven i help blong andastanem ol nid we oli stap, mekem ol fren long eni ples we hem i go long hem, mo wok kolosap blong mekem wan gud jenis long laef blong ol pipol.
Ol ki long wok ia, hem i talem, bae i blong lisin blong andastanem ol man, mo blong lukaotem voes blong Lod blong soem rod long yumi long wok blong yumi.
Paul Morris, wan Emeritus Profesa blong Stadi blong Relijin long Viktoria Yunivesiti blong Welington, i talem se: “Tania i bin wan impoten woman blong ol baelaterol mo maltilatera rilesensip bitwin ol relijin long kapitol siti ia blong plante yia nao. Mi mi sua se bambae hem i tekem eksperiens ia, profesonol wei blong wok blong hem mo komitmen long niufala rol blong hem.”
Vicki Wihongi, blong Hamilton, i talem: “Tania i gat bigfala paoa blong save wok wetem wan tim long wan wei we i bildimap mo i givim insperesen long olgeta.”
“Fasin blong wok blong Tania long komunikesen wok long Welington, i mekem samting i rili defren long Jos mo long olgeta we hem i konek wetem, Peter Thomson i talem, we i presiden blong Welington Niu Silan Stek, long Jos.
“Yumi glad tumas blong luk hao hem i lidim tingting mo i givhan long ful Niu Silan mo Pasifik.”