Jos Odit Dipatmen Ripot, 2020
I go long Fas Presidensi blong Jos Ia blong Jisas Kraes blong Ol Lata-dei Sent
Ol Dia Brata: Olsem we revelesen long seksen 120 long Doktrin mo Ol Kavenan, i talem, Kaonsel we i Lukaotem Mane blong Taeting—we i gat insaed Fas Presidensi, Kworom blong Olgeta Twelef Aposol mo Prisaeding Bisoprik—oli givim raet blong spendem ol mane blong Jos. Ol Jos mane we i stap go long ol samting blong Jos, i folem bajet, polisi, mo fasin blong wok we oli apruvum.
Jos Odit Dipatmen, we i gat ol kwalifae profesonol mo oli independen long evri nara dipatmen blong Jos mo oganaesesen, oli responsibol blong mekem wok blong odit blong givim ol stret infomesen long saed blong ol mane we oli kasem, ol mane we oli bin spendem, mo fasin blong lukaotem gud ol propeti we Jos i gat.
Folem ol odit we i bin tekem ples, Jos Odit Dipatmen i stap long wan tingting se, long saed blong evri samting we Jos i gat, ol kontribusen we oli bin kasem, ol mane we oli bin spendem, mo ol propeti we Jos i gat blong yia 2020, oli bin rekodem mo yusum folem stret fasin blong lukaot mane, wetem ol Jos bajet we oli apruvum, ol polisi mo fasin blong wok long saed blong mane we oli apruvum. Jos i folem ol fasin ia we oli tijim ol memba blong hem, blong laef folem wan bajet, no mekem kaon, mo stap sevem mane rere from wan taem blong nid.
Mi givim wetem respek,
Jos Odit Dipatmen
Jared B. Larson
Manejing Daerekta