Ol Niu Samting blong Kasem blong Seminari Graduesen
Blong sapotem hom gospel stadi mo blong leftemap tingting blong ridim skripja evri dei, oli luklukbak long ol samting we wan i mas kasem blong save kasem seminari graduesen. Naoia, long nambafo yia kos blong stadi blong olgeta, ol studen bae oli no givim ripot we oli bin finis blong ridim ol buk blong ol skripja (OlTesteman, Niu Testeman, Buk blong Momon, mo Doktrin mo Ol Kavenan mo Perel blong Wan Bigfala Praes); be, bae oli ripot se oli bin ridim skripja evri dei, kolosap 75 pesen blong taem.
Hemia i karemaot lukluk ia blong stap tikim bokis i go long fasin blong stanemap wan evri dei fasin blong stap olsem disaepol, we bambae i blesem ol studen truaot long laeftaem blong olgeta. Hemia i letem seminari, we oli seftem blong i folem ol 12 manis riding taemtebol blong Kam Folem Mi, blong wok wetem evri oganaesesen blong sapotem gospel stadi we hom i senta blong hem mo Jos i sapotem.1
I gat sam moa samting blong kasem blong save kasem graduesen blong seminari, we i tekem 75 pesen blong taem we studen i go long klas, mo ol asesmen blong pasem wetem wan mak blong 75 pesen, o moa. Ol setifiket blong komplitim, we oli akseptem long samfala eria, oli tekem ples blong ol setifiket we i talem se i tru wan studen i tekem kos.