Elda S. Mark Palmer

Presidensi blong Olgeta Seventi

Elda S. Mark Palmer bae i glad blong oltaem from glad mo hop we i stap long seves long tempol mo ol odinens. Wan koling we hem i bin kasem blong givim seves, evri wik, insaed long Dallas Teksas Tempol wetem waef blong hem, Jacqueline, long wan ol taem we i bisi moa long laef blong tufala, Elda Palmer i bin stretem bakegen ol samting we oli mas kam faswan. Taem hem i bin givim seves insaed long tempol i tijim hem abaot sakrifaes, mekem plan, mo gat balens, mo i bin helpem hem blong i tingbaot ol kavenan blong hem mo blong hem i kam wan hasban mo papa we i gud moa. Taem hem i bin givim seves long tempol i mekem hem i tingbaot bakegen long wanem stret i famli, mo i tingbaot glad fiuja kam tugeta wetem olgeta we oli ded finis, mo i tekem tu wan sista we i bin ded taem hem i gat wan yia nomo.

Taem hem i bin givim seves long tempol, i bin helpem Elda Palmer tu blong rere, long saed blong spirit, from ol fiuja prishud koling, mo wan i blong kam wan memba blong Presidensi blong Olgeta Seventi. Elda Palmer, oli sastenem hem long namba 3 Epril 2021, bae i statem niu responsabiliti blong hem long namba 1 Ogis 2021.

Stanley Mark Palmer i bin bon i kam long wol ia long namba 11 Febwari 1956, long Te Puke, Bei blong Plante, Niu Silan, mo papa mo mama blong hem i, Kenneth mo Jill Palmer. Famli blong hem i joenem Jos taem hem i smol pikinini yet.

Afta we hem i go long wan fultaem misin long Niu Silan Welington Misin, hem i kasem wan digri long Komes long Yunivesiti blong Oklan long 1979, mo wan masta blong bisnis administresen long Brigham Yang Yunivesiti long 1982. Taem hem i bin stap laef long Provo, Yuta, YSA, hem i bin mitim wan riten misinari, nem blong hem, Jacqueline Wood. Tufala i mared long 1981 long Sol Lek Tempol. Tufala Palmer i gat 6 pikinini mo 16 apupikinini.

Elda Palmer i presiden blong SMP Ventures, wan ril estet kampani we hem i statem long Haostin, Teksas, YSA. Hem i bin stap olsem wan bisop, stek presiden, presiden blong Wasington Spoken Misin (2009–12), interim presiden blong Ostrelia Sidni Saot Misin (2014), mo wan Eria Seventi.

Oli bin sastenem hem olsem wan Jeneral Atoriti Seventi long 2 Epril 2016, mo naoia i stap olsem presiden blong Afrika Saot Eria.