Amy A. Wright

Seken Kaonsela long Praemeri Jeneral Presidensi

Faef yia i pas, Sista Amy A. Wright, oli faenem se hem i gat step 4 kansa blong basket blong pikinini. Wan wei nomo blong famli blong hem i gotru long ol strong tritmen, hem i talem, i blong lukluk nomo long Sevya, Jisas Kraes.

“Taem we evriwan i stap lukluk long mi nomo, wol ia i kam wan ples we i tudak olgeta,” hem i tingbaot. “Be taem lukluk blong mi i lukluk i go aotsaed, taem we bae mi traehad blong givim seves long ol narawan, mo wokbaot long wei we Kraes i bin wokbaot long hem, i bin gat laet mo glad, iven long ol taem we i bin soa tumas mo mi bin safa tumas.”

Sista Wright i tokbaot faet blong hem wetem kansa ia olsem “wan eksperiens mo polisim mo smutum gud sus”—wan eksperiens we “i blong hem nomo” blong helpem hem blong kam blong save Sevya long wan dip wei we i blong hemwan nomo. Hemia i bin tijim hem tu se moa paoa i kam taem wan i lukaotem blong lanem mo andastanem ol defren jalenj blong ol narawan.

“Yumi evriwan i givim seves long ol defren pat blong yad blong Lod, long ol defren taem blong laef blong yumi. Be, hem i semfala yad ia nomo, wetem semfala Masta i stap,” hem i talem.

“Hop blong yumi, i semmak tu, we i laef we i no save finis, mo blong kam olsem wan god. Hemia nao yumi wantem blong evriwan long ol gudfala smol pikinini ia, se Sevya bae i pat blong wokbaot blong olgeta, mo blong oli gobak hom, long Hem.”

Amy Eileen Anderson Wright i bon i kam long wol ia long 6 Jenuware 1972, long Sol Lek Siti, Yuta, YSA. Papa mo mama blong hem i Robert mo Joy Anderson. Hem i bin maredem James McConkie long 1994 long Sol Lek Tempol. Tufala i gat tri pikinini.

Sista Wright i graduet wetem wan digri long divelopmen blong man mo famli stadi long Yunivesiti blong Yuta long 1998. Hem i wok olsem wan riding tija mo ofis maneja, mo i bin wan volontia blong wan asosiesen blong ol papa, mama mo tija. I no longtaem i pas, hem i bin help wetem maketing mo advataesmen blong wan ofis blong pulumaot tut.

Sista Wright i bin givim seves long jeneral advaes kaonsel blong Ol Yang Woman stat long 2018. Koling blong hem bifo, stek mo wod Praemeri presiden, kaonsela long wan wod Praemeri presidensi, Gospel Doktrin tija, mo Kab Skaot lida.