Elder Alfred Kyungu

Hitu ’Ahuru Huimana Fa’atere Rahi

I te matahiti 1991, e 24 matahiti tō Alfred Kyungu e pīahi nō te fare ha’api’ira’a tuatoru nō Lubumbashi i te fenua rēpūpirita manahune nō Tōneto, e noho ra i Polidor Ngoy ’e tōna pā’ino. I te hō’ē mahana, ’ua paraparau atu tōna pā’ino iāna nō te hō’ē fārereira’a ’e te mau misiōnare nō Te ’Ēkālesia a Iesu Mesia i te Feiā Mo’a i te mau Mahana Hope’a nei.

« ’Eiaha roa atu ’ia mo’ehia ia oe teie fārereira’a maita’i roa » ’ua parau tōna pā’ino iāna.

’Aita i maoro, e ha’aputuputu pinepine rāua tōna pā’ino ’e nā misiōnare ’āpiti pa’ari nō Utaha. I te ha’amatara’a, ’ua fa’ataiā ri’i Alfred i te ’āmui atu i roto i te hō’ē ha’apa’ora’a fa’aro’o ’āpī ’e’ē. I muri a’e e 6 ’āva’e i te ’āparaura’a ’e te pāhonora’a e rave rahi mau uira’a, i reira, tō Alfred bāpetizora’ahia ’e tōna pā’ino i te 21 nō Tetepa 1991.

I te tahi pae, te ’āmuira’a atu i te ’Ēkālesia ’aita i riro ’ei tauira’a ’ōhie. E rave rahi mau melo i roto i te ’āmuitahira’a e hi’ora’a ’ē tō rātou i te ’Ēkālesia ’e tē uiui māere nei, e mau mīterio [mystique] ’aore rā e mau keresetiano mau ānei te feiā mo’a i te mau mahana hope’a nei. ’Aua’a a’e, te mau melo o tā ratou ’āma’a iti e mau melo ’ā’au marū ’e te fāri’i poupou. ’Ua roa’a ia Elder Kyungu ’e tōna pā’ino i te pūai « nō te ’apo mai i te mau parau tumu tei ha’api’ihia e Iesu Mesia ».

’Ua fa’aipoipo Elder Kyungu ia Lucie Kabulo Malale i te matahiti 1998. ’Ua tā’atihia rāua i roto i te hiero nō Johannesburg ’Āfirita apato’a i te matahiti 2004. E metua rāua nō nā tamāhine e piti ’e hō’ē tamāroa.

’Ua fānauhia o Alfred Kyungu Kibamba i Kamina, Rēpūpirīta manahune nō Tōneto, i te 31 nō Ātopa 1966, nā Domitien Kyungu Nkimba ’e Celestine Ngoy Mbuyu.

’Ua fāri’i Elder Kyungu i te parau tuite ’aravihi tuatoru ’e te parau tuite ’ai’ihi tuatoru i te pae ihi tōtiare ’e te nīno’a ’āmui nā te ao nei nō te fare ha’api’ira’a tuatoru nō Lubumbashi. ’Ua ’ohipa ’oia i roto e rave rau ti’ara’a nā te hau fenua nō te repupirita manahune nō Tōneto, ’e nā te ’Ēkālesia ’ei ti’a fa’aau nō te seminaire ’e te Institut ’e ’ei ha’apa’o nō te ’ā’amu ’utuāfare.

’Ei Hitu ’Ahuru ārea i te taime o tōna pi’ira’a, ’ua tāvini ato’a ’oia ’ei ’orometua nō te institut, nō te Ha’api’ira’a Sābati pāroita, ’ei tauturu i roto te ’episekōpora’a, ’ei melo nō te ’āpo’ora’a teitei, ’ei tauturu i roto i te peresidenira’a titi ’e ’ei peresideni misiōni nō Mbuji Mayi i te Rēpūpirīta manahune nō Tōneto mai te matahiti 2016 e tae atu i te matahiti 2019.