Elder Patricio M. Giuffra

Hitu ’Ahuru Hui Mana Fa’atere Rahi

E maha matahiti tō Elder Patricio M. Giuffra ’a pohe ai tōna metua tāne i te ma’i māriri ’aita’ata. ’Ei tamari’i, ’ua pa’ari ’oia i te ui i te Atua ’e ’ua uiui ’oia nō te aha e mea tano ’ore te orara’a.

« E tāne fa’aipoipo maita’i, e metua tāne maita’i, ’e e ta’ata fa’a’ite mai i te ta’ata tō’u metua tāne », tē fa’aha’amana’o ’o Elder Giuffra. « Nō te aha ’oia i pohe ai » ?

’Ua tupu te mau pāhonora’a ’e te māramaramara’a e rave rahi ’ahuru matahiti i muri mai i te fārereira’a Patricio ’e tōna metua vahine i te mau misiōnare rave tāmau ’e ’a fāri’i ai i te ’evanelia.

’Ua hōro’a te fa’anahora’a nō te fa’aorara’a iāna i te ti’aturira’a nō te mea ’ua tauturu te reira iāna ’ia hāro’aro’a i te mo’era’a tōna ’utuāfare. « ’Ua fa’aineine tō’u metua tāne i te haere’a nō mātou nō tē tomo mai i roto i te ’Ēkālesia », ’ua parau ’oia.

Mai te taime ’a bāpetizohia ai ’oia, ’ua ha’apa’o te ’evanelia a Iesu Mesia i te orara’a ’o Elder Giuffra. « ’Ua riro te ’Ēkālesia ’ei orara’a nō’u », ’ua parau ’oia. « E au rā ē ’ua riro noa na vau ’ei melo nō te ’Ēkālesia ».

’Ua tupu te hō’ē taime ta’a ’ē i te matahiti 1989 i te taime ’a tā’atihia ai ’o Elder Giuffra i tōna na metua ’e tōna na taea’e tei pohe i roto i te hiero nō Ogden Utah. I muri a’e i te ’ōro’a, ’ua muhumuhu mai tōna metua vahine, « ’ua fāri’i au i te aro ’o tō ’oe metua tāne ».

’Ua fānauhia ’o Patricio Mauricio Giuffra Vargas i Valparaíso, Tirēni, i te 6 nō ’Ēperēra matahiti 1962, nā Lazaro Dante Giuffra Riffo ’e Olga Rosa Vargas Canales. ’Ua pa’ari ’oia i Valparaíso, i Tirēni, ’e ’ua fa’aipoipo ia Maria Eugenia Gonzalez Olmos i roto i te hiero nō Santiago Tirēni i te matahiti 1992. E maha tamari’i tā rāua.

’Ua fāri’i ’o Elder Giuffra i te parau tū’ite nō te ’ohipa ho’ora’a ’e te ’īritira’a/tātarara’a i te fare ha’api’ira’a tuatoru nō Brigham Young University i te matahiti 1990 ’e te parau tū’ite master nō te fa’aterera’a i te ’ohipa putu faufa’a i BYU i te matahiti 1994.

’Ua rave ’oia i te ’ohipa ’ei fa’atere ho’o mai nō Woodgrain Millwork (1994–96), ’ei ti’a fa’atere ho’o ’e ’ei fa’atere ’ohipa nō Alvenius Chilena (1996–98), ’e ’ei ti’a fa’atere rahi i Carbotech Chile (1998–99) ’e Arcotex SA (2000 ’e tae mai i teienei).

’Ua tāvini ’o Elder Giuffra ’ei misiōnare rave tāmau i roto i te misiōni nō Chile Osorno, ’ei pāpa’i parau fa’atere nō te titi, ’ei peresideni Feiā ’Āpī Tamaroa nō te titi, ’ei ’ēpisekōpo, ’e ’ei peresideni titi. Hou ’oia ’a pi’ihia ai ’ei Hitu ’Ahuru Hui mana fa’atere rahi, tē tāvini ra ’oia ’ei Hitu ’Ahuru Area i Amerika Apato’a.