Ti’ara’a ’āpī : Tauturu ha’amāramarama nō te fa’anahonahora’a ārea nō te ao nei

’Aita i maoro a’e nei ’ua ha’amana te Peresidenira’a Mātāmua i te hō’ē ti’ara’a ’āpī, te tauturu ha’amāramarama nō te fa’anahonahora’a ārea nō te ao nei. Te mau vahine e tāvini i roto i teie ti’ara’a, e pi’ihia rātou nō te pāturu i te feiā fa’atere o te Sōtaiete Tauturu, o te Feiā ’Āpī Tamāhine, ’e o te Paraimere i roto i te mau ārea tei reira rātou te fa’aeara’a i te ao nei. E tauturu rātou nō te hōro’a i te ha’api’ipi’ira’a ’e nō te tīa’ira’a i te feiā fa’atere nō te fenua iho i rāpae i te mau Fenua Marite ’e Canada.

Nā te pupu nō te Tino ’Ahuru Ma Piti ’āpōsetolo, te peresidenira’a o te pupu Hitu ’Ahuru, ’e te mau peresidenira’a nō te mau ārea e fa’ata’a i te hina’aro nō te mau tauturu ha’amāramarama nō te ārea. I roto i te mau ārea e pi’ihia rātou, e ’āmui ato’a te mau tauturu ha’amāramarama i roto i te mau ’āpo’ora’a i roto i te ārea ma te ’ohipa i pīha’i iho i te mau tāne ’e te mau vahine o te ’Ēkālesia i roto i tō rātou ārea. E tāvini rātou i raro a’e i te fa’aterera’a a te mau peresidenira’a ārea nō te roara’a e toru e tae atu e pae matahiti.