Elder Alvin F. Meredith III

Hitu ’Ahuru Huimana Fa’atere Rahi

I te matahiti hope’a o tāna ha’api’ira’a teitei i Tennessee, Fenua Marite, ’ua mā’itihia Alvin F. Meredith ’ei mā’ona nō tāna fare ha’api’ira’a nō taua matahiti ra e te hō’ē pūpū pīahi mā’ona keresetiano.

Ma’a taime i muri ri’i mai, ’ua parau tōna ti’a rauti iāna ē ’ua ’īritihia ’oia e te feiā fa’atere nō te Tuha’a o te pupu, nō te mea ’aita rātou e fāri’i i Te ’Ēkālesia a Iesu Mesia i te Feiā Mo’a i te mau Mahana Hope’a nei ’ei ha’apa’ora’a fa’aro’o keresetiano.

Tōna ti’a rauti « e ta’ata keresetiano maita’i roa », ’ua ani atu i te tā’atira’a ’ia tono mai i te hō’ē ta’ata i te fare ha’api’ira’a nō te fārerei i te taure’are’a mā’ona. ’Ua haere mai te ta’ata o te tā’atira’a i te fare ha’api’ira’a tuarua ’e ’ua fa’ata’a mai 10 tumu o te parau ha’api’ira’a ’o tāna i mana’o, e tano tā rātou fa’a’otira’a nō te ’īriti te mā’ona o te feiā mo’a i te mau mahana hope’a nei. I te ’itera’a i te hō’ē Bibilia i roto i te pūtē a taua ta’ata ra, ’ua ui atu Elder Meredith e nehenehe ānei ia rāua e hi’ohi’o i te tahi mau ’īrava.

« ’Ua hi’o atu māua i teie nā 10 tumu tāta’itahi ’e ’ua haere māua i te buka Paraleipomeno ’e te Iakobo, te buka Apokalupo ’e te Korinetia », ’ua parau Elder Meredith. « ’Ua tāmatahia tō’u fa’aro’o ’e nā roto i te auahi o taua tāmatara’a ra, ’ua ha’apūaihia te reira ’e ’aita roa i ’āueue e inaha nei ».

’Ua fānauhia Alvin Frazier « Trip » Meredith III i Chattanooga, Tennessee, Fenua Marite, i te 22 nō Tiurai 1970, nā Alvin ’e Mary Meredith. ’Ua fa’aipoipo ’oia ia Denise Edgin i te matahiti 1998 i roto i te hiero nō Roto Miti. E ono tamari’i tā rāua.

’Ua roa’a tā Elder Meredith te parau tū’ite ’aravihi tuatoru nō te pae manava i te fare ha’api’ira’a tuatoru nō Brigham Young i te matahiti 1994 ’e te parau tū’ite ’ai’ihi tuatoru nō te ’ohipa fa’atere ’imira’a faufa’a i te fare ha’api’ira’a tuatoru nō Chicago i te matahiti 2001. ’Ua ’ohipa ’oia i te GE Capital, Boston Consulting Group, ’e te Asurion.

’Ei taure’are’a, ’ua tāvini Elder Meredith i roto i te misiōni nō Roto Miti Utaha. I te taime o tōna pi’ira’a ’ei Hitu ’Ahuru Huimana fa’atere rahi, e peresideni ’oia nō te misiōni nō Roto Miti apato’a i Utaha. ’Ua tāvini ato’a ’oia ’ei Hitu ’Ahuru ārea, peresideni titi, tauturu i roto i te peresidenira’a misiōni, ’episekōpo, ’e ’ei ’orometua nō te Ha’api’ira’a Sābati.