Elder Sean Douglas

Hitu ’Ahuru Huimana Fa’atere Rahi

’Ei taure’are’a misiōnare e tāvini ra i roto i te misiōni nō Tīreni Concepción, ’ua ha’amata ’o Sean Douglas i tāna tāvinira’a i te mata’eina’a roto. Tōna « hoa misiōnare mātāmua nō Tireni ’e tōna ta’ata fa’aineine e parau reo Pāniora ’oia ma te vitiviti o te uira pātiri ». I muri a’e e toru ’āva’e i roto i te Fenua Marite ’Apato’a, ’ua fifi noa ’o Elder Douglas nō te reo Pāniora.

’Ua ha’aparuparu te mana’o ’e ’ua mihi ’oia i tōna fare ma te tu’u iāna i roto i te mana’o fēa’a ’e tei fa’atopa turi iāna. ’Ua pure ’oia « ’aita hō’ē a’e ’ohipa maita’i tā’u e rave nei ». « E au ra ’aita e hope’ara’a tō’u i ni’a i te tahi a’e ta’ata ».

’Ua ’ī tōna ’ā’au i te hō’ē uira’a hōhonu mai ni’a mai : « Tei ’ō nei ānei ’oe nō’u, ’aore rā tei ’ō nei ’oe nō ’oe iho ? »

I taua taime ra, ’ua fa’aoti ’oia ’e te Atua e ha’amo’e ’oia iāna iho ’e e tāmau ā i te tāmata. « I taua iho ā pō ra, ’ua moemoeā vau nā roto i te reo Pāniora », tāna ïa i parau.

I te mahana nō muri iho, ’ua ’ōhie a’e te mau mea ato’a. « ’Ua nehenehe iā’u ’ia parau maita’i a’e. ’ua nehenehe iā’u ’ia hāro’aro’a ri’i a’e » ’ua parau ’oia. « ’Ua ha’apūai te misiōni i tō’u ’itera’a pāpū nō te mana o te pure ’e ’ia haere ana’e ’outou e rave i te ’ohipa tā te Fatu i fa’aue, e fa’aineine noa ’oia i te hō’ē rāve’a nō ’outou ».

’Ua arata’i taua ha’api’ira’a ra i te toe’a o tōna orara’a.

’Ua fānauhia Sean Douglas i Roto Miti, Utaha, i te 1 nō Mē 1964, nā Barbara ’e Leo Douglas. I ora na ’oia i te pae hitia’a o te ra o te ’āfa’a nō Roto Miti, ’ua fa’aipoipo ’oia ia Patricia Ann Dickson—tōna hoa here mai te ha’api’ira’a mai ā—i roto i te hiero nō Roto Miti i te ’āva’e Tiunu 1985. E maha tamari’i tā rāua.

’Ua fāri’i o Elder Douglas i tāna parau tū’ite nō te ’ohipa mātutura’a i te fare ha’api’ira’a tuatoru nō Utaha ’e ’ua rave i te ’ohipa ’ei ta’ata hi’opo’a hou ’a rave ai e toru ’ahuru matahiti i te ’ohipa na Huntsman Corporation, ma te tāvini ’ei mono peresideni ’e ’ei ra’atira fa’atere i te pae faufa’a moni.

’Ua arata’i tōna fa’aro’o ’e tōna ti’aturi i te Fatu, ha’apa’arihia i te roara’a o tōna ’āpīra’a ’e tāna misiōni, iāna i te taime ’a haere ai ’oia nō te tōro’a ’ohipa i Peretāne, i reira ’oia i te tāvinira’a ’ei ’episekōpo ’āpī, ’e i Houston, Texas (Fenua Marite). ’Ua tāvini ’oia ’ei peresideni nō te misiōni nō Peru Lima ’Apato’a i te matahiti 2012 e tae atu i te matahiti 2015. ’Ua tāvini ’o Elder Douglas ’ei Hitu ’Ahuru Ārea hou tōna pi’ira’a i teie mahana.