Avia, hanaraka Ahy

Ohabolana 1–4; 15–16

Inona no azontsika atao mba “[hanongilanantsika] ny sofin[tsika] amin’ny fahendrena”?

Noho ireo fampahalala diso be dia be eto amin’izao tontolo izao dia mety ho sarotra ny manivana izany rehetra izany sy mahita fahamarinana mandrakizay. Fantatry ny Ray any An-danitra izany ary fantany fa maro amin’ireo zanany no mikatsaka valim-panontaniana. Soa ihany fa maro amin’ireo valin’ireo fanontaniana sarotra indrindra eo amin’ny fiainana no hita ao amin’ny soratra masina, na ao anatin’ny lahatenin’ny fihaonamben’ny Fiangonana maneran-tany, na amin’ny alalan’ny fanambarana ho an’ny tena manokana. Tsy hitarika antsika amin’ny lalan-diso na oviana na oviana ny Ray any An-danitra.

Atrikasa

Matetika isika no mamaky momba ny fahendrena ao amin’ny Ohabolana. Vakio tsirairay na miaraka amin’ny vondrona iray ny toko faha- 2 sy faha- 3 ary fantaro ireo andininy izay miresaka ny fomba fikatsahantsika fahendrena. Ohatra, ny Ohabolana 1:5 dia milaza hoe, “Aoka ny hendry hihaino ka hitombo saina; Ary aoka ny manam-panahy hahazo fitarihana tsara.”

Bitsiky ny Fanahy

“Raha tonga avy amin’ny tambajotran-tserasera na haino vaky jery hafa ny ankabeazan’ny fampahalalana azonao dia hihena ny fahafahanao mihaino ny bitsiky ny Fanahy. Ary raha toa koa ianao ka tsy mikatsaka ny Tompo amin’ny alalan’ny vavaka sy fandalinana ny filazantsara isan’andro dia mamela ny tenanao ho lasa marefo amina filôzôfia izay mety ho mahaliana saingy tsy marina ianao. Na dia ny Olomasina izay mahatoky raha ny mahazatra aza dia mety ho tafiala an-dalana noho ny antsoantso tsy tapaka ataon’ny tarik’i Babylona.”

Filoha Russell M. Nelson, “Manokàna fotoana ho an’ny Tompo,” Liahona, nôv. 2021, 120.

Fifanakalozan-kevitra

Loharanom-pahendrena lehibe ny soratra masina sy ny fihaonamben’ny Fiangonana maneran-tany. Oviana no nitarika ny fiainanao ny lahatenin’ny fihaonambe na ny soratra masina iray? Inona no fiantraikan’izany taminao?