Pumarito Ka, Sumunod Ka sa Akin

Jeremias 31

Paano Natin Matutupad ang Bago at Walang Hanggang Tipan?

larawan ni Jesucristo

Detalye mula sa Si Cristo sa Emaus, ni Carl Heinrich Bloch

Sa pamamagitan ni Jeremias, ipinahayag ng Panginoon na Siya ay “gagawa ng panibagong tipan sa sambahayan ng Israel at sa sambahayan ng Juda” (Jeremias 31:31). Ang pangakong ito ay natupad sa ating panahon noong “ipinahayag muli ang … tipan sa mundo ni Jesucristo sa pamamagitan ng propetang si Joseph Smith. … Kapag tinanggap ng mga tao ang ebanghelyo at nangakong tutuparin ang mga kautusan ng Diyos, nakikipagtipan ang Diyos na ibibigay sa kanila ang mga biyaya ng kanyang bago at walang hanggang tipan.”¹

Pag-isipan ang mga tanong na ito habang pinag-aaralan mo ang Jeremias 31:

• Saan “isusulat” ng Panginoon ang Kanyang kautusan? (tingnan sa talata 33).

• Ano ang gagawin ng Panginoon para sa atin kung tutuparin natin ang ating mga tipan? (tingnan sa talata 34).

• Ano ang gagawin ng Panginoon kung hindi natin susundin ang Kanyang batas o kautusan? (tingnan sa mga talata 36–37).

Itinuro ni Elder D. Todd Christofferson ng Korum ng Labindalawang Apostol: “Ang bago at walang hanggang tipan ay ang ebanghelyo ni Jesucristo. Sa madaling salita, mga doktrina at kautusan ng ebanghelyo ang bumubuo sa diwa ng walang hanggang tipan sa pagitan ng Diyos at ng tao na ipinanunumbalik sa bawat dispensasyon.”²

Talakayan

Ipinangako ng Panginoon, “Ilalagay ko ang aking kautusan sa kanilang kalooban, at aking isusulat iyon sa kanilang mga puso” (Jeremias 31:33). Kailan mo nadama na ang tipan ng Panginoon ay nakasulat sa iyong puso?

Mga Tala

1. Gabay sa mga Banal na Kasulatan, “Bago at Walang Hanggang Tipan,” scriptures.ChurchofJesusChrist.org.

2. D. Todd Christofferson, “Ang Kapangyarihan ng mga Tipan,” Liahona, Mayo 2009, 20.