Pumarito Ka, Sumunod Ka sa Akin

Mateo 4; Lucas 4

Paano Natin Malalabanan ang Tukso?

si Jesus habang tinutukso ni Satanas

The Three Temptations [Ang Tatlong Tukso], ni Gary E. Smith © 1982

Bawat taong may pananagutan sa lupa ay tinutukso. Maging ang Tagapagligtas ay tinukso. Pero kaya ba Niyang magkasala? Itinuro ni Pangulong Howard W. Hunter (1907–95): “Kung walang posibilidad na maaari siyang matukso ni Satanas, wala sanang magiging tunay na pagsubok, wala sanang tunay na tagumpay bilang resulta nito. … Siya ay perpekto at walang kasalanan, hindi dahil kailangan siyang maging gayon, kundi dahil malinaw at determinado siyang maging gayon” (“The Temptations of Christ,” Ensign, Nob. 1976, 19).

Tingnan kung ano ang maaari ninyong matutuhan mula sa sumusunod na mga turo ng mga pinuno ng Simbahan kung paano nilabanan ng Tagapagligtas ang tukso.

Humugot ng Lakas mula sa mga Banal na Kasulatan

“Nang maharap sa mismong manunukso, ‘hindi nagpadaig sa tukso’ si Jesus (Mosias 15:5). Isinagot Siya ang banal na kasulatan: ‘Hindi sa tinapay lamang mabubuhay ang tao, kundi sa bawat salitang lumalabas sa bibig ng Diyos’ (Mateo 4:4). Proteksyon din natin ang mga utos at ang mga pamantayan ng ebanghelyo ay proteksyon din natin, at tulad ng Tagapagligtas, makakahugot tayo ng lakas mula sa mga banal na kasulatan para malabanan ang tukso.”

Elder D. Todd Christofferson ng Korum ng Labindalawang Apostol, “Magpakalalaki Tayo,” Liahona, Nob. 2006, 48.

Palakasin Mo Muna ang Sarili Mo

“Positibo at agad niyang winakasan ang pag-uusap, at iniutos: ‘Lumayas ka, Satanas!’ na malamang na ang ibig sabihin ay, ‘Lumayas ka sa harapan ko—lumayas ka rito—hindi kita pakikinggan—ayaw kong magkaroon ng anumang kinalaman sa iyo. Pagkatapos, mababasa natin, ‘iniwan siya ng diyablo.’ [Mateo 4:10–11.]

“Ito ang ating angkop na huwaran, kung gusto nating iwasang magkasala kaysa mahirapang pagsisihan ito. Sa pag-aaral ko ng kuwento ng Manunubos at mga panunukso sa Kanya, natitiyak ko na ginugol Niya ang Kanyang lakas sa pagpapatatag ng sarili laban sa tukso kaysa labanan at talunin ito.”

Mga Turo ng mga Pangulo ng Simbahan: Spencer W. Kimball (2006), 131.

Talakayan

Isipin ang mga uri ng tukso (gana, kapalaluan, at kapangyarihan) na inilarawan sa Mateo 4. Ano ang ilang paraan para mapalakas mo ang iyong sarili sa espirituwal para sa gayong mga uri ng tukso?