Pumarito Ka, Sumunod Ka sa Akin

Juan 2

Mangyayari ba ang mga Himala para sa Akin?

Nagsagawa ng maraming himala si Cristo noong Kanyang ministeryo sa lupa, tulad noong gawin Niyang alak ang tubig sa piging ng kasal sa Cana (tingnan sa Juan 2:1–11). Tulad ng nababasa natin sa Bagong Tipan, ang mga himala ay laging isinasagawa sa kapangyarihan ng priesthood at pagsampalataya.

Maaaring iniisip ng ilan, pero paano ako mananampalataya na mangyayari ang mga himala para sa akin?

Itinuro ni Pangulong Russell M. Nelson: “Gawin ang espirituwal na gawain sa paghahanap ng mga himala. Hilingin sa Diyos sa panalangin na tulungan kayong magpakita ng ganoong uri ng pananampalataya” (“Ang Kapangyarihan ng Espirituwal na Momentum,” Liahona, Mayo 2022, 100).

Mga Alituntuning Sumasaklaw sa Pagsasagawa ng mga Himala

Ang ating Diyos ay isang Diyos ng mga himala: Juan 6:5–14; 1 Nephi 17:51; 2 Nephi 27:23; Mormon 9:15, 18–19

Pananampalataya at pagtitiwala sa Panginoon: Marcos 4:36–41; Mormon 9:20–27; Eter 12:12, 18; Moroni 7:33

Kapangyarihan ng priesthood: Alma 23:6; Mormon 9:17–18

Christ Praying in the Garden of Gethsemane [Si Cristo na Nagdarasal sa Halamanan ng Getsemani], ni Hermann Clementz

“Ang pagiging anak ng Diyos ay isang himala. Ang pagtanggap ng katawan sa Kanyang anyo at wangis ay isang himala. Ang mapagkalooban ng isang Tagapagligtas ay isang himala. Ang Pagbabayad-sala ni Jesucristo ay isang himala. Ang potensyal na magkaroon ng buhay na walang-hanggan ay isang himala.”

Elder Donald L. Hallstrom, emeritus General Authority Seventy, “Tumigil na ba ang Araw ng mga Himala?” Liahona, Nob. 2017, 90.

Talakayan

Ano ang itinuturo sa inyo ng mga himala sa Bagong Tipan tungkol sa pagtitiwala sa Panginoon, sa Kanyang takdang panahon, at sa Kanyang kapangyarihan? Anong mga himala ang nakita mo na sa iyong buhay?