“O Se Malutaga mai le Afā,” Liahona, Mat. 2023.
E Faafeiloai atu mai i Lenei Lomiga
O Se Malutaga mai le Afā
Atapue mai le Getty Images
Na e nofo i se malutaga i taimi o timuga afā? A o alu ifo le vai, e pa’ū i le taualuga ma lē lagona ai isi leo. E faapefea ona faatumauina lou mago i le taimi o le afā? O le mana ma le faatasi mai o lo tatou Faaola e faapei o lena malutaga.
O lenei lomiga o le Liahona o loo taulai atu i le ala e aumaia ai e Iesu Keriso le filemu i afā o le olaga. E le mafai ona tatou alofia tofotofoga ma luitau. Ae e pei lava ona tatou malu i se malutaga i le timu, a o tatou valaaulia Iesu Keriso e faatasi ma i tatou i la tatou malaga, e fesoasoani foi o Ia ia i tatou ia maua le filemu i le afā. Ou te valaaulia outou e faitau le tusiga a Elder Dieter F. Uchtdorf “O Lo’u Manuia Ou Te Avatu Ai Ia Te Outou” (itulau 4). Ua ia aoao mai, “O Iesu Keriso, o lē puleaina elemene, e mafai foi ona faamāmāina a tatou avega” ma le “E le tatau ona aveesea le filemu mai o tatou loto, e tusa lava pe tatau ona tatou mafatia, faanoanoa, ma faatalitali i le Alii.”
Ua ou oo foi i “afā” i lo’u olaga. O nei tofotofoga ua aoaoina ai au e moni lava o Iesu Keriso ua na o le pau lea o le punāvai tumau o le fesoasoani ma le filemu. E pei ona ou faasoa atu i la’u tusiga “O Le Mana e Faatu Ai” (itulau 40), e mafai ma o le a faatasi ma i tatou le Faaola i la tatou malaga i le aiga. E faatasi o Ia ma i tatou a o tatou faatalitali mo faamanuiaga folafolaina. Ma e lē tuai lava mo Ia ona siitia i tatou i luga. E alofa o Ia ia te outou. Ou te tatalo o le a e faatagaina o Ia e avea ma ou malutaga ma nofoaga saogalemu e tusa lava po o a mea o loo feagai ma oe.
Ma le alofa,
Bonnie H. Cordon
Peresitene Aoao o Tamaitai Talavou