“O Tu Masani o Falelauasiga a Tagata Iutaia” Liahona, Mat. 2023.
O Tu Masani o Falelauasiga a Tagata Iutaia
O Lasalo, Mareta, ma Maria o ni tei sa nonofo i le aai o Petania. O i latou o ni uo a le Faaola, ma sa Ia asiasi atu ia i latou i le tele o taimi. I se taimi faapitoa i Lana galuega, sa tuua ai e Iesu ia Iutaia, lea e tu ai Petania, ona sa mananao tagata Iutaia i le eria e fasioti o Ia (tagai Ioane 10:39–40). A o toesea Iesu, sa ma’i Lasalo, maliu, ma sa falelauasi e tusa ai ma tu masani a Iutaia (tagai Ioane 11:1–17).
O nisi nei o tu masani latou te ono mulimulitaia i le maliu ma le tanuga o Lasalo.
E aui le tino i le ie ma aveina atu i le fale o le aiga, lea e mafai ona asiasi i ai tagata o aiga ma tuaoi (tagai Galuega 9:37).
E masani lava i totonu o le valu itula talu ona maliu, e aveina atu le tino i le tuugamau i luga o se fata ina ia mafai ai e tagata asiasi uma ona vaai i le tino (tagai Luka 7:12–14). E taitaia e tamaitai le solo. Sa saeia e tagata o le aiga o latou lavalava o se faailoga o le faavauvau.
O nisi tuugamau na foa i le papa (tagai Mataio 27:58–60). Sa i ai i tuugamau ni avanoa laiti ina ia mafai ai e tagata ona ifo ma ulu atu i totonu.
Sa tuu le tino i luga o se nofoa na vane ese mai le maa. Sa ufitia le tuugamau i se maa lapotopoto telē e taofia ai tagata gaoi po o manu mai le ulufale atu i ai.1
Ina ua uma ona faatuina e Iesu ia Lasalo mai le oti, sa i ai i Ona soo se mafuaaga mamana e faamoemoe ai nai lo le na o le faavauvau i le maliu o sē pele. Sa lē mafai ona latou faafitia lena mea, ona o Iesu Keriso, e “lē manumalo le tuugamau, ma ina ia leai se tui o le oti” (Mosaea 16:7).