Sau, Mulimuli Mai ia te A’u

Mataio 12

O Le a Le Uiga o Le Tausia o le Aso Sapati ia Paia?

O Iesu ma isi i se togāsaito

Ui Atu i le Togasaito, saunia e W. Paget © Providence Collection / laiseneina mai le Goodsalt.com

Ua faamatala e Peresitene Russell M. Nelson le auala, a’o avea ma alii talavou, sa ia suesuea ai lisi o mea e fai pe lē faia i le Sapati. Sa ia aoaoina mulimuli ane mai tusitusiga paia o ana amioga ma uiga faaalia i le Sapati sa faatusa i se faailoga i le va o ia ma le Tama Faalelagi (tagai Esoto 31:13).

Sa ia faapea mai: “Faatasi ai ma lena malamalamaaga, sa ou lē toe manaomia ni lisi o mea e faia ma mea e lē faia. Pe a manaomia ona ou faia se filifiliga pe o se gaoioiga talafeagai pe leai foi mo le Sapati, e na o lo’u fesili lava ia te a’u, ‘O le a le faailoga ou te manao e avatu i le Atua?’” (“O Le Sapati o se Aso Fiafia,” Liahona, Me 2015, 130).

Gaoioiga

Faitau aoaoga a Keriso e uiga i le aso Sapati i le Mataio 12:1–13; tagai foi i le Isaia 58:13 ma le Mataupu Faavae ma Feagaiga 59:9–13. Faatumu le siata i mataupu faavae faaleaoaoga faavae e te maua i nei aoaoga. Ia talanoaina faatasi o se aiga ni auala e mafai ona e faaaogaina ai nei aoaoga i aso nei. E mafai ona e tusia ou manatu i le koluma o le “Faaaogaina Faaonaponei”.

O Aoaoga a Iesu	Faaaogaina Faaonaponei

Talanoaga

I le avea ai o se aiga, mafaufau i le fesili a Peresitene Nelson, “O le a le faailoga ou te manao e avatu i le Atua?” ma talanoaina po o a ni taumafaiga patino e mafai ona faia ia tatau ai ona “agalelei i le sapati” (Mataio 12:12).