O le a le Uiga o le Valaauina e le Alii?

Ata

O Iesu o loo nofo ma aoao atu Ona soo

I le Mataio 10, o loo faauuina ai e le Faaola Ana Aposetolo e toasefululua, tuuina atu ia i latou le mana, pule, ma le malamalama e amata ai ona talai atu Lana talalelei ma faatuina Lana Ekalesia. Ua Ia folafola atu foi ia i latou le mana e faamalolo ai, tuliesea agaga, ma tautala atu i le pule (tagai fuaiupu 1, 20). A o e faitau i le Mataio 10 e uiga i le sauniaina e le Alii o Aposetolo mo o latou valaauga, mafaufau pe na faapefea ona saunia oe e le Alii mo lau auaunaga i le Ekalesia.

Fautuaga mai le Alii

Na tuuina atu foi e le Alii i Aposetolo nisi o faatonuga taua e fesoasoani ma lagolagoina ai i latou i la latou auaunaga. O le tele o lenei fautuaga e mafai foi ona faatatau ia i tatou i la tatou auaunaga. A o e faitau i fuaiupu nei i le Mataio 10, mātau ia faatonuga ma valaaulia na tuuina atu e le Alii ia i latou.

Fuaiupu 8:

____________________
Fuaiupu 19:

____________________
Fuaiupu 29–31:

____________________
Fuaiupu 39:

____________________

Pe a valaauina oe e auauna atu i le Ekalesia, o le a fesoasoani le Alii ia te oe e fai Lana galuega. O le a Ia faamanuiaina oe i le poto masani, faatonuga, ma faaaliga. O le a vaetofiaina oe ma maua le pule mai le Atua e faataunuu ai lou valaauga.

E mafai ona e aoao atili e uiga i tiutetauave o lou valaauga i le Tusitaulima Aoao i le ChurchofJesusChrist.org.