E Faapefea ona Fesoasoani le Faaola ia Te A’u?

Ata

o se alii o loo tootuli i luma o Iesu

Faamaloloina o le Lepela, saunia e E. S. Hardy © Providence Collection / laiseneina mai le Goodsalt.com

O Iesu Keriso “sa femaliua’i ma agalelei” (Galuega 10:38): Sa Ia faamaloloina se lepela (tagai Mataio 8:2–3). Sa Ia faamaloloina le auauna a se taitai o le toaselau, o lē sa lagona le lē agavaa ae sa talitonu o le a fesoasoani lava le Faaola ia te ia (tagai Mataio 8:5–13). Sa Ia ofoina atu i Ona soo le filemu i le taimi o se afā (tagai Mataio 8:23–27). Ina ua Ia vaai i se fafine o lē sa faavauvau i le maliu o lana tama e toatasi, sa Ia faamafanafanaina o ia ma avatu ia te ia le faamoemoe, ona ia faatuina mai lea o lana tama mai le oti (tagai Luka 7:11–15).

Gaoioiga

E mafai ona tatou lagonaina le mana o le Faaola i aso nei a o tatou faatinoina le faatuatua ia te Ia. Faitau se tasi o tala mai le faitauga o le Sau, Mulimuli Mai ia te A’u i lenei vaiaso. Mātau le ala na tali atu ai le Faaola i manaoga ma le faatuatua o tagata.

Mafaufau loloto pe talanoaina fesili nei e mafaufau ai pe na faapefea ona fesoasoani le Faaola ia te oe i lou olaga:

O anafea na ou tuuina ai lo’u faatuatua i le Faaola ma lagonaina Lana faamalologa (faalelagona, faalemafaufau, faaleagaga, pe faaletino)?
O anafea na ou lagonaina ai Lona filemu?
O anafea na ou maua ai se fesoasoani e le’i faamoemoeina mai le Faaola?
O anafea na ou vaaia ai Lona aao e ala i se vavega po o se alofa mutimutivale agamalu?
I lo’u olaga i le taimi nei, e faapefea ona ou faamalosia lo’u faatuatua ia te Ia ma maua Lana fesoasoani?