E Faapefea Ona Uuna’ia A’u e Keriso e Faia Mea Matagofie?

I o tatou olaga atoa, a o tatou latalata atili atu ia Keriso ma aoao e faalogo i le siufofoga o le Agaga, atonu e talosagaina i tatou e faia mea tatou te lagona le lē mautinoa e uiga i ai. E pei o Peteru o loo savali i luga o le vai, e mafai ona uuna’ia i tatou e fai le mea e lagona e lē mafai ona tatou faia pe afai tatou te taulai atu ia Keriso ma, e pei ona sa aoao mai Elder Quentin L. Cook o le Korama a Aposetolo e Toasefululua, “ola i le faatuatua ae le o le fefe” (“Ola i le Faatuatua ae Le o le Fefe,” Liahona, Nov. 2007, 70).

Gaoioiga

Faitau le Mataio 14:22–33 ma otooto mai le aafiaga o Peteru.

O Peteru o loo savali i luga o le vai agai atu ia Iesu — Na faapefea ona savali Peteru i luga o le vai?

Ua amata ona magoto Peteru i le vai — Aisea na amata magoto ai o ia?

O Iesu o loo fesoasoani ia Peteru e toe foi atu i le vaa — Na faapefea ona faasaoina o ia e le Alii?

Iesu i luga o le vai — A tatou taulai atu ia Keriso, o le a i ai pea o Ia iina e fesoasoani ia i tatou.