Վստահենք Տիրոջ զորությանը և մարգարեներին

Նախագահ Նելսոնը և Քույր Նելսոնը ողջունում են երկու տղաների

Հարգելի՛ ծնողներ,

Ավելի քաոսային դարձող այս աշխարհում հեշտ է զգալ վախ ու անորոշություն։ Բայց երբ մենք դիմում ենք Հիսուս Քրիստոսին մխիթարության համար, Նա կարող է խաղաղություն բերել մեզ կյանքի փոթորիկների ժամանակ։ Կարդացեք այս թողարկման հոդվածները՝ պարզելու համար, թե Փրկիչն ինչպես կարող է օգնել ձեզ կողմնորոշվել ձեր մարտահրավերներում։

Ավետարանի քննարկումներ

Փրկիչը պատրաստակամորեն խաղաղություն է առաջարկում անհանգիստ ժամանակներում

Ձեր ընտանիքի հետ կարդացեք երեց Ուխդորֆի հոդվածը 4-րդ էջում այն մասին, թե Քրիստոսի արտոնող զորությունը ինչպես կարող է խաղաղություն պարգևել բարդ իրավիճակներում։ Միասին քննարկեք որոշ եղանակներ, որոնցով Հիսուսը սփոփանք է առաջարկում։ Դուք ի՞նչ կարող եք անել, որպեսզի ձեր կյանք հրավիրեք Նրա զորությունը։

Ինչպե՞ս է Քահանայությունը օրհնում մեր ընտանիքը

Կարդացեք էջ 22-ի հոդվածը քահանայության օրհնությունների վերաբերյալ։ Հրավիրեք ընտանիքի անդամներին կիսվել փորձառություններով, երբ նրանք ստացել են քահանայության օրհնություն։ Նրանք ի՞նչ էին զգում։ Օրհնությունն ինչպե՞ս է օգնել նրանց։ Կա՞ օրհնություն, որը կարող է այս պահին օգնել ձեր ընտանիքի անդամին։

Իր մարգարեի միջոցով Տերն օգնում է մեզ զարգացնել քաջություն

Երեց Սիկահեման էջ 30-ի հոդվածում խոսում է այն մասին, թե ինչպես է մարգարեի ուսմունքներին հետևելն օգնել իրեն ամուր կանգնել իր համոզմունքներում և չափանիշներում՝ որպես ամերիկյան ֆուտբոլի պրոֆեսիոնալ մարզիկի իր կարիերայի և իր ողջ կյանքի ընթացքում։ Այդ հոդվածը կարդալուց հետո ձեր ընտանիքի յուրաքանչյուր անդամը կարող է կիսվել, թե մարգարեին հետևելը երբ է օգնել իրեն քաջ լինել։

Եկ, հետևիր ինձ. Ընտանեկան զվարճանք

Աճել, աճել ամեն օր

Մենք՝ որպես Հիսուս Քրիստոսի վերականգնված Եկեղեցու անդամներ, պարտավոր ենք օգնել երկրի վրա Աստծո արքայության աճին։ Մատթեոս 13.31-32 հատվածներում ասվում է․

«Երկնքի արքայությունը նման է մանանեխի հատիկի, որ մի մարդ վերցրեց և իր արտի մեջ ցանեց։

Այն բոլոր սերմերից ավելի փոքր է, բայց երբ աճում է, բոլոր բույսերից ավելի մեծ է լինում և ծառ է դառնում»։

Շրջան կազմած նստեք և հնարավորինս կծկվեք՝ ներկայացնելով մանանեխի փոքրիկ հատիկ։
Հերթով թվարկեք մի գործողություն, որը նրանք կարող են անել ամեն օր՝ օգնելով Եկեղեցու աճին (բերել իրենց վկայությունը, որևէ սուրբ գրությունով կիսվել սոցիալական ցանցերում, ընկերոջ հետ կիսվել ավետարանի ճշմարտություններով և այլն)։
Ամեն անգամ, երբ ինչ-որ մեկը նշում է մի գործողություն, որն օգնում է Եկեղեցու աճին, բոլորը նստում են մի փոքր ուղիղ, իսկ հետո սկսում են ոտքի կանգնել, մինչև որ կանգնեն ողջ հասակով։
Քննարկեք ձեր ընտանիքի հետ, թե ինչու է կարևոր, որ յուրաքանչյուր մարդ անի իր բաժինը՝ նպաստելով Եկեղեցու աճին։

Երիտասարդներին զորացնելու համար ամսագրից

Համաժողովի հուշատետր

Օգտագործեք այս ռեսուրսը՝ գերագույն համաժողովին նախապատրաստվելու և համաժողովի ելույթներից ավելին ստանալու համար։

Խաղաղություն կյանքի փոթորիկներում

Երեց Ուխդորֆն ուսուցանում է, թե ինչպես կարող է Փրկիչը հանդարտեցնել մեր կյանքի փոթորիկները և խաղաղություն բերել մեզ։

Պատրաստ՝ ծառայելու միսիայում

Մինչ երիտասարդները պատրաստվում են ծառայել միսիայում, ահա որոշ կարևոր բաներ, որոնց վրա նրանք կարող են կենտրոնանալ։

Ինչպես էր Փրկիչը արժևորում կանանց

Տեսեք, թե Փրկիչը որքան խիզախ էր կանանց հանդեպ բարություն և հարգանք ցուցաբերելիս, և սովորեք հետևել Նրա օրինակին։

Ընկեր ամսագրից

Պատրաստվենք մկրտությանը

Գտեք պատմություններ և վարժություններ այս ամսվա Ընկեր ամսագրում, որոնք կօգնեն ձեր երեխաներին սովորել մկրտության և իրենց առաջին ուխտերի մասին։

Խաղաղություն փոթորկի ժամանակ

Կարդացեք պատկերազարդ պատմություն այն մասին, թե ինչպես է Հիսուսը հանդարտեցնում փոթորիկը։ Ապա ծանոթացեք Պերուից մի աղջկա հետ, որը խաղաղություն գտավ երկրաշարժի ժամանակ։

Հիսուսի հետևորդները Կիրիբատիում

Ծանոթացեք մեր ընկեր Սքոթի հետ և իմացեք, թե նա ինչպես է հետևում Հիսուսին։ Ապա ավելին կարդացեք Կիրիբատիի կղզիների մասին։

Փոքրիկ ընկերների համար

Գտեք պատմություններ և վարժություններ հատկապես մեր ամենակրտսեր ընթերցողների համար, ինչպես նաև ուսումնասիրության օժանդակ նյութեր, որպեսզի փոքրիկներին ուսուցանեք սկզբունքներ Եկ, հետևիր Ինձ ձեռնարկից։