O Le Tulaga Manuia ma le Fiafia

Mātua Pēlē,

Na aoao mai le Tupu o Peniamina e uiga i le olioli tatou te lagonaina a o tatou ola ai i le talalelei. Sa ia faamalosiauina lona nuu ia “manatunatu i le tulaga manuia ma le fiafia o i latou o e e tausi i poloaiga a le Atua” (Mosaea 2:41).

E mafai ona outou iloiloina faatasi o se aiga ia tusiga nei ma manatunatu pe na faapefea e le ola ai i nei mataupu faavae ona aumaia le fiafia ma faamanuiaga i o outou olaga.

Talanoaga o le Talalelei

Faafailele Lou Agaga i le Tatalo

E pei lava ona ta’u mai e le fiaai ia i tatou te manaomia o le fafagaina faaletino, e i ai fo’i se auala e tau mai ai e o tatou agaga lo tatou manaomia o le tausiga faaleagaga. Faasoa atu ni nai upusii mai le tusiga a Elder Ulisses Soares e uiga i le tatalo (itulau 4) ma valaaulia tagata o lou aiga e faasoa mai se taimi na latou lagonaina ai le fafagaina o o latou agaga e le tatalo.

E Matuai Aoga ai Taumafaiga

E faigofie ona mafaufau pe o au taumafaiga e a’oa’o lau fanau o faia ai se eseesega. I lana tusiga i le itulau e 12, ua faasoa mai ai e Elder Hugo E. Martinez lona lava aafiaga i le aoaoina o lana fanau i le talalelei. A o e faitau, mafaufau i ni laasaga laiti e mafai ona e faia i le fatuina o se aiga e sili atu le faatotonugalemu ia Keriso—lea e aoga ai i taimi uma le taumafaiga.

Fausiaina o se Faavae Mausali

“O Le Aiga: O Se Folafolaga i le Lalolagi” o loo tautino mai ai upumoni taua ma tulaga faatonuina o le talalelei. Faitau le tusiga o loo i le itulau 16 e aoao ai ni auala se tolu e faaaoga ai le folafolaga i le aiga e fesoasoani ai i lau fanau e fausia se faavae faaleagaga malosi ma saunia e puipuia o latou talitonuga.

Mea Mālie Faaleaiga i leSau, Mulimuli Mai ia te A’u

Suesue ma le Maelega i Tusitusiga Paia

Upu a Mamona 1:11

I le talafaasolopito atoa, ua faaalu ai e perofeta ni taimi uumi e faasaoina ai se talafaamaumau o a latou aoaoga ina ia mafai ai ona tatou maua se malamalama o le talalelei. O le mauaina o papatusi auro, sa tusia ai e Mamona: “O a’u, o Mamona, ou te tatalo i le Atua ia mafai ona faasaoina i latou mai le taimi nei ma le agai i luma. Ma ua ou mautinoa o le a faasaoina i latou; ona e i ai mea sili ua tusia i luga o i latou” (Upu a Mamona 1:11).

E mafai ona tatou faaalia lo tatou agaga faafetai mo nei faamaumauga ma faamalosia lo tatou faatuatua i le Alii e ala i le suesue ma le filigā i tusitusiga paia. I le avea ai o se aiga, atonu e mafai ona fai sa outou tuuga su’egatusi:

Tusi ni faaupuga o le talalelei e pei o le Faaola, faatuatua, salamo, papatisoga, ma le Agaga Paia i ni fasipepa eseese.
Tuu atu i se tagata o le aiga e filifili se fasipepa ma faitau le upu.
E taututuu tagata o le aiga e su’e le upu i totonu o le Tusi a Mamona. O le tagata muamua e mauaina se fuaiupu o loo i ai lena upu e mafai ona ia faasoa atu lena mau i le aiga.