“Elder Michael B. Strong,” Liahona, Mayo 2024.
Elder Michael B. Strong
Kinatibuk-ang Awtoridad nga Seventy
Ang pagkat-on ni Elder Michael B. Strong sa ebanghelyo nagsugod sa panimalay, diin siya gitudloan sa iyang mga ginikanan.
“Ang akong pagpamatuod milambo ug nagkalig-on ug nagkalig-on paglabay sa panahon, hapit sa malisod nga mga paagi,” miingon si Elder Strong. Samtang naghunahuna siya sa nangagi, “Nakita nako ang mga kamot sa Dios pirme sa akong kinabuhi, apan mabalda kanunay sa pipila ka lawom nga espirituwal ug talagsaong mga kasinatian.”
Samtang siya ug ang iyang asawa mipadako sa ilang pamilya, gituyo nila nga iapil ang ebanghelyo sa ilang kinabuhi. “Naningkamot kami sa paghimo niini aron ang ebanghelyo ma-la ngadto sa panapton sa among mga kinabuhi,” miingon si Elder Strong. “Mao kana kami.”
Si Elder Strong nakadawat og bachelor of science degree sa microbiology kauban sa minor sa chemistry gikan sa Brigham Young University niadtong 1989 ug usa ka medical nga degree gikan sa Baylor College of Medicine niadtong 1993.
Usa siya ka doktor ug, sa panahon sa iyang tawag, nagtrabaho isip labaw nga opisyal sa medikal nga impormasyon alang sa University of Utah.
Si Elder Strong nakakaplag nga sa dihang nakasugat siya og mga problema, lakip niadtong anaa sa iyang propesyon, siya gigiyahan og mga solusyon samtang iyang giatubang kadto nga mga hagit pinaagi sa pag-ampo. “Mabati lang nako nga ang Ginoo naghatag nako og mga ideya ug naghimo og mga solusyon nga nahimong klaro ngari kanako nga dili unta nako makita sa laing paagi,” miingon siya. “Nakaamgo ko nga Siya sa tinud-anay nagpakabana kanato.”
Sa panahon sa iyang pagkatawag isip Kinatibuk-ang Awtoridad nga Seventy, si Elder Strong nagserbisyo isip usa ka Area Seventy sa Utah Area. Siya nakaserbisyo usab isip presidente sa Perú Lima Central Mission, presidente sa stake, bishop, ug full-time nga misyonaryo sa Bolivia Cochabamba Mission.
Si Michael Brent Strong natawo sa Siyudad sa Salt Lake niadtong Agosto 6, 1965. Nakigminyo siya ni Cristin Connelly niadtong Agosto 22, 1987, sa Salt Lake Temple. Sila mga ginikanan sa unom ka anak. Si Elder ug Sister Strong nagpuyo sa Centerville, Utah, USA.