EFaapefea ona Tatou Auauna Atu e pei o le Faaola?

Ata

o le Faaola o loo faamaloloina se alii

Sa Ia Faamaloloina le Tele o Faama’i Eseese, saunia e J. Kirk Richards, atonu e lē mafai ona kopiina

Sa valaaulia e le Faaola Ona soo e auauna atu i isi e pei ona sa Ia faia (tagai i le 3 Nifae 18:30; 27:21). Ina ua Ia asiasi atu ia sa Nifaē, sa Ia auauna atu ia i latou taitoatasi (tagai i le 3 Nifae 11; 17). Sa Ia auauna atu ia i latou auā sa Ia alofa ia i latou ma finagalo moni ia i latou—ma i tatou taitoatasi—ia fiafia, ia maua le faamoemoe, ma ia maua Lona toomaga.

Pe a taumafai la e avea ma se auauna ma se soo sili atu o Iesu Keriso, o fea e tatau ona tatou amata ai?

O le faataitaiga atoatoa a le Alii ua faaali mai ai ia i tatou o le auaunaga, i lona totonugalemu, e sili atu nai lo na o se tofiga i le Ekalesia. O le auaunaga o le tausiga lea o isi e pei ona faia e le Faaola. O le auaunaga o se vaega o le tausia o a tatou feagaiga o le papatisoga (tagai i le 2 Nifae 31:13–14; Mosaea 18:10, 13; Mataupu Faavae ma Feagaiga 20:37). Na aoao mai i tatou e Peresitene Russell M. Nelson e faapea “o se tasi o ala aupito faigofie e faailoa ai se soo moni o Iesu Keriso o le ala e taulima ai ma le agaalofa e lena tagata isi tagata” (‟Manaomia i Latou e Faatupuina le Filemu,” Liahona, Me 2023, 98).

A o tatou taumafai e faatumu o tatou loto i le agaalofa sili atu, o le a tatou iloa ai ua tatou latalata atili atu i le Faaola—ma latalata atili atu ai i le avea faapei o le Faaola. E mafai faapefea ona e fausia lou agaalofa, tatalo mo isi, ma auauna atu e pei o le Faaola?

Auala na Auauna Atu ai le Faaola	E mafai ona e faataitai i le Faaola e ala i le …
‟Ua faatumuina o’u lagona i le agaalofa ia te outou” (3 Nifae 17:6).	… ua i ai le agaalofa moni i tagata o loo e auauna atu i ai?
‟Ia aumai i latou iinei ma o le a ou faamaloloina i latou” (3 Nifae 17:7).	… lagolagoina o e mama’i ma puapuagatia?
‟Na matou faalogo ai ia te ia o tatalo atu i le Tamā mo i matou” (3 Nifae 17:17).	… tatalo mo isi?
“Amuia lava outou ona o lo outou faatuatua. Ma o lenei faauta, ua atoatoa lou olioli” (3 Nifae 17:20).	… ia fiafia pe a maua ma tali atu i lau auaunaga i latou e te auauna atu i ai?
Sa “ave [e le Faaola] a latou fanau laiti, taitoatasi, ma faamanuia i latou” (3 Nifae 17:21).	… tausiga o tagata o ni tagata taitoatasi ma auauna atu ia i latou taitoatasi?