13
Ang Akong Pamilya Mahimong Mag-uban sa Hangtud
Pasiuna alang sa Magtutudlo
Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:
Ang Langitnong Amahan mihimo nga magpadayon ang relasyon sa pamilya human niini nga kinabuhi. Kon ang mga sakop sa pamilya mabugkos sa templo ug matinud-anong magsunod sa mga kasugoan, sila mahiusa isip usa ka pamilya sa kahangturan ug magpuyo sa atubangan sa Langitnong Amahan. (Tan-awa sa Mateo 16:19; D&P 138:47–48.)
Pagpangandam
Kon posible, pagdala og litrato sa usa ka templo sa inyong dapit.
Mga Kalihokan sa Pagkat-on
Sugdi pinaagi sa kalihokan sa panagpundok. Alang sa mga ideya, tan-awa sa pahina 3.
Pag-ampo
Pagdapit og usa ka bata nga mohatag sa pangbukas nga pag-ampo.
Litrato
Pakita og litrato sa usa ka templo sa inyong dapit (o ipakita ang litrato sa pahina 58). Sultihi ang mga bata nga kini usa ka litrato sa usa ka templo. Ihulagway ang litrato ngadto kanila, magtudlo sa spire, mga bintana, mga pultahan, ug uban pa. Hangyoa sila sa pagsulti og usab sa pulong “templo” sa pipila ka mga higayon. Sultihi sila nga magpakaaron-ingnon nga usa ka maanindot nga templo pinaagi sa pagbutang sa ilang mga kamot ibabaw sa ilang mga ulo aron mahimong spire sa templo.
Kanta
Dapita ang mga bata sa pagbarug. Kantaha o isulti ang mga pulong sa “I Love to See the Temple” [Gusto Kong Makita ang Templo] Children’s Songbook, 95 [Songbook sa mga Bata] ug buhata ang aksyon sa ubos. Dapita ang mga bata sa pag-apil kanimo.
Gusto kong makita (itipon ang mga tumoy sa tudlo nga magporma og spire)
Ug moadto sa templo (maglakaw sa gitindogan)
Espiritu mabati, (ibutang ang kamot sa may kasingkasig)
Maminaw’g mag-ampo. (ikyugpos ang mga bukton)
Sultihi ang mga bata nga ang templo mao ang balay sa Ginoo. Dapita sila sa pagsulti, “Ang Balay sa Ginoo.” Ipasabut nga ang templo usa ka espesyal kaayo nga dapit; tungod sa templo, ang atong mga pamilya mahimong magkauban sa kahangturan.
Mga Balak o Kanta-Kanta nga Kalihokan
I-recite ang mosunod nga mga balak o kanta-kanta nga kalihokan ug dapita ang mga bata sa pag-apil kanimo:
Kini si Mama. (ipataas ang kamot; itudlo ang kumagko)
Kini si Papa. (itudlo ang indeks nga tudlo)
Kini si Kuya nga taas. (itudlo ang tunga-tunga nga tudlo)
Kini si Ate. (itudlo ang singsingan)
Kini si Baby. (itudlo ang kumingking)
O, gimahal namo silang tanan. (ibutang ang duha ka kamot sa dughan)
Kanta
Kantaha o basaha ang mga pulong sa “Families Can Be Together Forever” [Mga Pamilya Mahimong Mag-uban sa Hangtud] Children’s Songbook, 188 [Songbook sa mga Bata]
Pamilya sa hangtud mag-uban
Pinaagi sa plano sa Amahan.
Dapita ang mga bata sa pagsulti og usab niini nga mga linya uban kanimo sa hinay sa makadaghan nga higayon.
Panapos
Sa lakbit ipakigbahin ang imong mga pagbati mahitungod sa templo. Ipakigbahin ang imong pagpamatuod nga ang pamilya mahimong mag-uban sa hangtud.
Pag-ampo
Pagdapit og usa ka bata nga mohatag sa panapos nga pag-ampo.
Opsyonal nga mga Kalihokan
Pagpangandam
-
Alang sa mga balak o kanta-kanta nga kalihokan: Kopyaha ug guntinga ang mga finger puppet sa pahina 59 o gamita ang mga puppet nga imong gihimo alang sa opsyonal nga kalihokan sa leksyon 12. Kolori ang mga puppet kon gusto.
Imahecoloring page, family circles and finger puppetsAng Akong Pamilya Mahimong Mag-uban sa Hangtud:
Kopyaha kini nga pahina ug guntinga ang mga finger puppet subay sa baga, tul-id nga linya. Pil-a subay sa tuldok-tuldok nga mga linya. Dayon butangi og tape ang mga ngilit, gawas sa ubos nga bahin aron ang mga bata makasul-ob sa mga puppet sa ilang mga tudlo.
-
Alang sa dula nga tag-an tag-an: Kopyaha ug guntinga ang mga hulagway sa pamilya sa pahina 51 o gamita ang mga hulagway nga imong giandam alang sa leksyon 11. Pagdala og butang nga itabon sa mga hulagway, sama sa habol o panapton. Kon mahimo, pagdala og litrato sa usa ka templo sa inyong kwarto.
Imahecoloring page, I Love My FamilyAkong Gimahal ang Akong Pamilya
-
Alang sa kalihokan sa pagkolor: Kopyaha ug guntinga ang mga lingin sa pahina 59 alang sa matag bata. Lambo o hilo ang ihigot sa duha ka mga lingin aron makahimo og kwentas.
Kalihokan ginamit ang Tudlo
Sultihi ang mga bata nga kita kinahanglang mangandam sa pag-adto sa templo. Hangyoa sila sa paggunit sa lima ka mga tudlo, ug tabangi sila nga isulat sa ilang mga tudlo ang lima ka mga butang nga ilang mahimo nga makapangandam sa pag-adto sa templo kon dako na sila (mag-ampo, mosunod sa mga ginikanan, mohigugma sa uban, mosimba, mosunod sa mga propeta, ug uban pa). Kini nga kalihokan mas angay sa dagko nga mga bata.
Mga Balak o Kanta-Kanta nga Kalihokan
Balika ang mga balak o kanta-kanta nga kalihokan sa pahina “56, niining higayona ginamit ang mga finger puppet.
Dula nga Tag-an Tag-an
Ibutang ang mga hulagway sa pamilya sa salog tupad sa litrato sa templo (kadtong imong gidala o sa pahina 58). Tabuni ang mga hulagway sa habol o panapton. Tagoa ang usa sa mga puppet. Kuhaa ang panapton ug pangutan-a ang mga bata sa pagtag-an kon unsa ang nawala. Dayon ibutang og balik ang nawala nga hulagway ug sultihi ang mga bata nga ang Langitnong Amahan gusto nga ang tanang mga pamilya mag-uban sa kahangturan, nga walay usa nga mawala. Kini nga kalihokan mas angay sa dagko nga mga bata.
Pagkolor
Dapita ang mga bata sa pagkolor sa mga kwentas nga imong giandam. Samtang sila nagkolor, palig-una ang baruganan nga tungod sa templo, ang mga pamilya mahimong mag-uban sa kahangturan.