22

Ang Basahon ni Mormon Nagtudlo Kanako mahitungod ni Jesukristo

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:

Ang Basahon ni Mormon usa ka gamhanan nga saksi mahitungod ni Jesukristo. Kini naglakip sa pagpamatuod sa karaan nga mga propeta kinsa nakakita sa Iyang pag-anhi ug nakasabut sa Iyang misyon. Naglakip usab kini sa rekord sa Iyang pagbisita ngadto sa Amerika human dayon sa Iyang Pagkabanhaw (tan-awa sa 3 Nephi 11–27). Ang mahinungdanong katuyoan sa Basahon ni Mormon mao ang pagkombinser sa tanang mga tawo “nga si Jesus mao ang Kristo, ang Dios sa Kahangturan, nagpaila sa iyang kaugalingon ngadto sa tanan nga mga nasud” (ulohan nga pahina sa Basahon ni Mormon; tan-awa usab sa 1 Nephi 13: 40–41; 2 Nephi 25:26; 33:10–11).

Pagpangandam

• Markahi ang pahina 22, 94, ug 126 niini nga manwal aron sayon ra nimo kini mapakli.

• Pagdala og kopya sa Basahon ni Mormon.

Mga Kalihokan sa Pagkat-on

Sugdi pinaagi sa kalihokan sa panagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Kanta

Kantaha ang koro sa “Search, Ponder, and Pray” [Pagsiksik, Pamalandong, ug Pag-ampo] Children’s Songbook, 109 [Songbook sa mga Bata] ug buhata ang mga aksyon sa ubos. Dapita ang mga bata sa pag-apil kanimo.

Siksik, (pagpakaaron-ingnon nga nag-abli og libro) pamalandong, (itudlo ang ulo) ug pag-ampo (ikyugpos ang mga bukton)

Ang pagabuhaton ko. (itudlo ang kaugalingon)

Akong masayran, (ibutang ang kamot sa dughan)

Nga tinuod ang manga kasulatan. (itudlo ang ulo)

Mga Litrato

Ipakita ang Basahon ni Mormon. Sultihi ang mga bata, “Kini mao ang Basahon ni Mormon. Ang Basahon ni Mormon nagtudlo kanato mahitungod ni Jesus.” Dapita ang mga bata sa pagsulti, “Basahon ni Mormon.” Ablihi ang Basahon ni Mormon ug ibutang kini sa imong atubangan.

Ipakita ang litrato sa Pagkatawo (pahina 126 niini nga manwal). Itudlo ang Basahon ni Mormon ug sultihi ang mga bata nga ang Basahon ni Mormon nagtudlo nga si Jesukristo mianhi sa yuta.

Ipakita ang litrato ni Jesus nga miayo sa mga Nephite (pahina 94). Itudlo ang Basahon ni Mormon ug sultihi ang mga bata nga ang Basahon ni Mormon nagtudlo nga si Jesukristo miayo sa mga tawo nga masakiton.

Ipakita ang litrato ni Jesus nga nanalangin sa mga Nephite nga bata (pahina 22). Itudlo ang Basahon ni Mormon ug sultihi ang mga bata nga ang Basahon ni Mormon nagtudlo nga si Jesus nanalangin sa mga bata.

Panapos

Pasultiha ang mga bata, “Ang Basahon ni Mormon nagtudlo kanako mahitungod ni Jesukristo,” pipila ka pulong matag higayon. Sultihi sila nga ikaw nasayud nga ang Basahon ni Mormon tinuod.”

Pag-ampo

Pagdapit og usa ka bata nga mohatag sa panapos nga pag-ampo.

Mga Tip sa Pagtudlo

Pagpangandam: Kon ikaw andam sa mga istorya, mga litrato, ug mga dula sa dili pa magsugod ang klase, ikaw makapokus sa imong atensyon ngadto sa mga bata. Tinguhaa sa mainampoong paagi ang giya sa Espiritu samtang ikaw mag-andam sa pagtudlo.

Mga kanta: Mahimo ikaw nga mogamit sa kanta sa Primary sa bisan unsa nga leksyon sa pagtudlo o pag-summarize sa ideya. Ang mga kanta sa Primary makatabang sa mga bata nga makat-on ug mahinumdom sa mga baruganan sa ebanghelyo. Makahatag usab kini og kahigayunan sa mga bata nga mohatag sa ilang mga pagpamatuod sa yano ug maanindot nga paagi.

Mga Kasulatan: Ang pag-abli sa mga kasulatan ug paggamit niini samtang ikaw nagtudlo makatabang sa mga bata nga makasabut nga ang mga istorya ni Jesus nagagikan sa mga kasulatan.

Opsyonal nga mga Kalihokan

Pagpangandam

• Alang sa dula sa bag: Kopyaha ang larawan nga anaa sa pahina 95. Guntinga subay sa tuldok-tuldok nga mga linya. Isulod ang mga litrato sa usa ka bag o sudlanan.

  

  Ang Basahon ni Mormon Nagtudlo Kanako mahitungod ni Jesukristo

  Ang Basahon ni Mormon nagtudlo kanato nga si Jesus mianhi sa yuta (tan-awa sa Alma 7:10–12).

  Ang Basahon ni Mormon nagtudlo kanato nga si Jesus miayo sa masakiton (tan-awa sa 3 Nephi 17:7–10).

  Ang Basahon ni Mormon nagtudlo nga si Jesus nanalangin sa mga bata (tan-awa sa 3 Nephi 17:21–24).

• Ang sa libro: Paghimo og kopya sa pahina 95 nga koloran sa matag bata.

  

Mga Balak o Kanta-Kanta nga Kalihokan

I-recite ang mosunod nga mga balak o kantakanta nga kalihokan ug dapita ang mga bata sa pag-apil kanimo:

Basaha ang Basahon ni Mormon. (sugdi pinaagi sa pagdikit sa duha ka mga kamot, dayon ablihon sama sa usa ka libro)

Basaha kini kada adlaw.

Sa dili pa ikaw magtuon, (itudlo ang ulo)

Ayaw kalimot sa pag-ampo. (ikyugpos ang mga bukton)

[Terri Clark, “Read the Book of Mormon,” Friend, Mar. 2004, 11]

Dula sa Bag

Hangyoa ang mga bata sa pagpili og larawan gikan sa bag o sudlanan. Basaha ang kapsyon sa larawan ngadto sa mga bata. Balika hangtud ang matag bata nga gusto nga moapil nakahimo na.

Libro

Pakolori sa mga bata ang kopya sa larawan sa pahina 95. Samtang sila nagkolor, pakigsulti kanila mahitungod sa mga larawan. Itudlo si Jesus sa matag litrato. Kon mahuman na sila, pil-a subay sa tuldok- tuldok nga mga linya aron mahimong libro. Dayon basaha ang libro ngadto sa mga bata.

Mga Tip sa Pagtudlo

Kalihokan: Paninguhaa nga ang mga bata magpadayon sa pag-apil pinaagi sa paggamit og lain-laing mga kalihokan. Tingali mao kini ang labing maayong paagi nga mapugngan ang disturbo nga kinaiya. (Tan-awa sa Pagtudlo, Walay Labaw ka Mahinungdanon nga Tawag, 72, 80.)

Gagmay nga mga bata dali ra nga mabalda. Samtang ang usa ka lider sa nursery nagtudlo o naggiya sa usa ka kalihokan, ang laing lider sa nursery makatabang sa pagdirekta sa atensyon sa mga bata ngadto sa kalihokan. Ang paghatag sa bata og butang nga kagunitan makatabang usab kaniya nga magpabiling aktibo sa kalihokan.