2

Ang Langitnong Amahan Adunay Plano Alang Kanako

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:

Nagpuyo kita uban sa Langitnong Amahan isip mga espiritu sa wala pa kita matawo. Ang Langitnong Amahan miandam og plano nga nagtugot kanato sa pag-anhi sa yuta ug makadawat og pisikal nga mga lawas aron mahimong sama Kaniya ug makabalik sa Iyang atubangan. Kini nahimong posible pinaagi sa Pag-ula ni Jesukristo ug sa atong pagkamasulundon. Si Jesukristo gipili nga mahimo natong Manluluwas. (Tan-awa sa Abraham 3:24-27; Mga Artikulo sa Hugot nga Pagtuo 1:3.)

Pagpangandam

Markahi ang pahina 98 niini nga manwal aron sayon ra nimo kini mapakli.

Mga Kalihokan sa Pagkat-on

Sugdi ang kalihokan sa panagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Pagkanta sa usa ka Istorya

Gamita ang “I am A Child of God” [Ako Anak sa Dios] Children’s Songbook, 2–3 [Songbook sa mga Bata] aron sa pagtudlo sa mga bata og pipila ka sukaranan nga mga detalye mahitungod sa plano sa kaluwasan. Ang mosunod nga latid usa ka sugyot:

Sultihi ang mga bata nga nagpuyo kitang tanan uban sa Langitnong Amahan sa wala pa kita matawo.

Kantaha o isulti (dapita ang mga bata sa pagduyog kanimo):

Ako anak sa Dios,

Gipadala dinhi,

Sultihi ang mga bata nga ang Langitnong Amahan adunay plano alang kanato. Gisultihan kita Niya nga kita moadto sa yuta aron mopuyo. Nalipay kita pag-ayo mao nga naninggit kita tungod sa hingpit nga kalipay. Dapita ang mga bata sa pag-ingon, “Hooray!”

Ipakita ang litrato sa usa ka pamilya sa pahina 14. Sultihi ang mga bata nga mianhi kita sa yuta aron mopuyo uban sa pamilya kinsa nahigugma kanato. Dapita ang mga bata nga ibalikis ang ilang mga bukton ug gakson ang ilang mga kaugalingon.

Kantaha o isulti:

Panimalay ginikanan

Ako gihatagan.

Sultihi ang mga bata nga samtang ania kita sa yuta, ang Langitnong Amahan gusto nga kita malipay ug mosunod sa Iyang mga sugo.

Kantaha o isulti:

Agaka ko, tudloi ko,

Unsay buhaton.

Ipakita ang litrato ni Jesukristo sa pahina 98. Sultihi ang mga bata nga ang Langitnong Amahan mipili ni Jesukristo sa pagtabang kanato nga makabalik ngadto Kaniya. Ipasabut nga tungod ni Jesus, makapuyo kita uban sa Langitnong Amahan ug uban sa atong mga pamilya sa kahangturan kon kita maghupot sa mga sugo.

Kantaha o isulti:

Nga makabalik ko sa

Amahang Langitnon.

Kantaha ang tibuok awit, mopakita sa mga litrato samtang ikaw nagkanta:

Ako anak sa Dios,

Gipadala dinhi,

Panimalay, ginikanan (ipakita ang litrato sa pamilya sa pahina 14)

Ako gihatagan.

Agaka ko, tudloi ko,

Unsay buhaton.

Nga makabalik ko sa (ipakita ang litrato ni Jesus sa pahina 98)

Amahang Langitnon.

Panapos

Ipakigbahin ang imong pagpamatuod sa plano sa Langitnong Amahan alang kanato.

Pag-ampo

Pagdapit og usa ka bata nga mohatag sa panapos nga pag-ampo.

Mga Tip sa Pagtudlo

Pagpangandam: Pag-andam og mga litrato, mga larawan, ug ubang mga materyal sa dili pa magsugod ang nursery. Makapapokus kini sa imong pagtagad ngadto sa mga bata.

Mga Kalihokan sa Pagkaton: Aron maminaw ang mga bata ug motabang kanila nga mopokus sa leksyon, pasikita sila libut kanimo. Kon mahimo, luhod o lingkod aron nimo matan-aw ang ilang mga mata. Guniti ang mga litrato paduol kanila.

Mga Kapanguhaan: Gamit lamang og hinimo sa Simbahan nga mga kapanguhaan diha sa klase sa nursery (tan-awa sa Pagtudlo, Walay Labaw ka Mahinungdanon nga Tawag, 105). Kon nagkinahanglan ka og daghan pa nga buhaton sa mga bata, pagpili og laing mga kalihokan sa istorya, mga dula, mga puppet, o pagkolor gikan niini nga manwal o gikan sa mga magasin sa Simbahan. Ikaw makagamit niini nga mga kalihokan kutob sa imong gusto, ug mahimo nimong itudlo ang leksyon kaduha o katulo ka semana nga magsunod.

Opsyonal nga mga Kalihokan

Pagpangandam

• Alang sa dula sa bag: Kopyaha ug guntinga ang mga larawan sa pahina 15. Pagdala og usa ka butang aron katagoan sa mga larawan, sama sa gamay nga bag o panapton.

  

  Ang Langitnong Amahan Adunay Plano alang Kanako

  Ako anak sa Dios, gipadala dinhi.

  Panimalay ginikanan, ako gihatagan.

  Nga makabalik ko sa Amahang Langitnon.

• Alang sa kalihokan sa pagkolor: Kopyaha ang pahina 15 alang sa kada bata. Guntinga ang mga larawan ug ginunting nga mga pulong. Pagdala og pisi o hilo ug papilit aron mahimong balhinbalhinon sa mga bata.

Dula sa Bag

Ibutang ang mga larawan sulod sa bag. Papilia ang bata og litrato gikan sa bag. Basaha o kantaha ang ulohan ug ipausab sa mga bata o ipakanta ang mga pulong uban nimo. Ipausab hangtud ang matag bata kinsa gusto nga mohimo makaangkon.

Pagkolor

Pakolori sa mga bata ang usa ka kopya sa mga larawan sa pahina 15 ug tuguti sila nga madala nila sa panimalay aron ipakita sa ilang mga ginikanan kon unsay ilang nakat-unan sa nursery. Kon may higayon ka, gamita ang pisi o hilo ug papilit aron kini mabalhinbalhin sa mga bata sama sa gipakita diha sa dayagram sa tuo.

Mga Tip sa Pagtudlo

Opsyonal nga mga kalihokan: gihatag kanimo aron madugangan ang imong leksyon kon gusto. Kon ikaw walay mga suplay nga gikinahanglan, mahimo nimong ilisan og sama nga mga suplay.

Pagkolor: Samtang ang mga bata nagkolor, ribyuha ang mga baruganan nga gitudlo sa leksyon. Itudlo ang mga detalye sa mga litrato ug ipasabut ngadto sa mga bata kon unsa ang ilang gikoloran. Basaha ang mga pulong sa larawan ngadto kanila.