20

Ako Magbinuotan

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:

Ang pagbinuotan maoy usa ka kinaiya sa hilabihan nga pagtahud ug gugma alang sa Langitnong Amahan ug ni Jesukristo. Mas labaw pa kini kay sa magpakahilom lang ug maglingkod lang panahon sa leksyon, bisan og ang atong pagbinuotan makita sa paagi sa atong paglihok-lihok sa simbahan ug sa ubang sagrado nga mga dapit. Samtang kita maningkamot nga magbinuotan , atong mabati og kusog ang impluwensya sa Espiritu Santo sa atong mga kinabuhi. (Tan-awa sa D&P 63:64; 84:54; 109:21.)

Mga Kalihokan sa Pagkat-on

Sugdi pinaagi sa kalihokan sa pagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Litrato

Ipakita ang mga litrato sa pahina 86. Sultihi ang mga bata nga kini nga pamilya anaa sa simbahan ug nga sila nagbinuotan. Hangyoa ang mga bata sa pagsulti og “buotan.” Ipasabut nga ang pagkabuotan nagpasabut nga hilom nga naghunahuna mahitungod sa Langitnong Amahan ug ni Jesukristo. Itudlo ang mga butang nga gibuhat sa pamilya diha sa litrato sa pagpakita nga sila nagbinuotan. Hatagi og pagtagad ang mga bata nga anaa sa litrato.

reverent family at church

Pagpraktis

Tabangi ang mga bata nga makasabut nga kon kita moadto sa simbahan makapakita kita sa atong gugma alang sa Langitnong Amahan ug ni Jesus pinaagi sa pagbinuotan. Ihulagway ang pipila ka mga paagi nga kita makapakita sa pagbinuotan diha sa simbahan, ug magpraktis sa pagbuhat niini uban sa mga bata. Pananglitan:

• Nagsulti kita sa hilom. (pagpraktis nga magsulti sa hilom)

• Maglakaw kita og hinay. (pagpraktis nga maglakaw og hinay)

• Maglingkod nga hilom. (pagpraktis nga maglingkod nga hilom)

• Maminaw kita sa atong mga titser. (ibutang ang kamot nga pinasawod sa luyo sa dalunggan)

• Kita maghunahuna ni Jesus. (itudlo ang ulo)

Kanta

Ipasabut nga ang laing paagi nga kita makapakita sa pagkamatinahuron mao ang pagkanta og matinahuron nga mga kanta. Kantaha o isulti ang mga pulong sa “I Will Try to Be Reverent” [Maninguha Ko nga Magbinuotan] Children’s Songbook, 28 [Songbook sa mga Bata] ug buhata ang mga aksyon sa ubos. Dapita ang mga bata sa pag-apil kanimo.

Maninguha gyud ako, (ibutang ang mga kamot ibabaw sa kasingkasing)

Nga magbinuotan

Kay akong gihigugma (idikit ang mga tumoy sa tudlo aron makaporma og atop sa balay)

Langitnong Amahan. (gaksa ang kaugalingon)

Panapos

Dayga ang mga bata sa ilang pagbinuotan. Ipasabut nga kining mga butanga makatabang kanato ug niadtong anaa sa atong palibut nga maghunahuna mahitungod sa Langitnong Amahan ug ni Jesus. Dapita ang mga bata sa pagsulti, “Ako magbinuotan.” Dapita sila nga magbinuotan karon.

Pag-ampo

Sultihi ang mga bata nga oras na alang sa panapos nga pag-ampo. Pangutana, “Unsaon ninyo sa pagbinuotan panahon sa pag-ampo?” Tabangi sila nga magpraktis sa pagkyugpos sa ilang mga bukton, moduko sa ilang mga ulo, ug mopiyong sa ilang mga mata samtang imong ihatag ang pag-ampo. Pahinumdumi ang mga bata nga ang pagbuhat niini makatabang kanato sa pagpakita sa Langitnong Amahan ug ni Jesus nga kita nahigugma Kanila. Dayga sila sa gipakita nga pagbinuotan.

Mga Tip sa Pagtudlo

Pagbinuotan: “Pag-andam og simple nga mga butang nga imong mahimo sa pagpahinumdom [sa mga bata] nga magbinuotan. Mapahiuli nimo ang matinahurong kahimtang pinaagi sa pagkanta o pag-hum sa hilom og usa ka matinahuron nga kanta, magpakita og litrato, o paggamit og sinyas nga mailhan sa mga bata isip pahinumdom nga magbinuotan.

“Hinumdumi nga lisud alang sa mga bata sa paglingkod og taas nga panahon. Tabangi ang mga bata nga maminaw ug moapil sa aktibong paagi. Papahulaya sila matag karon ug unya” (Pagtudlo, Walay Labaw ka Mahinungdanon nga Tawag, 83).

Pagbalik-balik sa mga pulong: Ang ubang mga bata tingali mosunod sa mga pulong uban kanimo. OK ra kana. Makat-on gihapon sila pinaagi sa pagtan-aw ug pagpaminaw kanimo ug sa ubang mga bata.

Opsyonal nga mga Kalihokan

Pagpangandam

• Alang sa kalihokan ginamit ang flip-book: Kopyaha ang mga larawan sa pahina 87, kolori kon gusto. Guntinga ang baga nga linya aron makahimo og duha ka mga flap. Pil-a ang mga flap aron ikatabon sa drowing.

  coloring page, reverence flip book

  Akong gipiyong ang akong mga mata ug giduko ang akong ulo

  ug gikyugpos ang akong mga bukton samtang gihalad ang pag-ampo.

• Alang sa kalihokan sa pagkolor: Kopyaha ang mga larawan sa pahina 87 nga koloran sa matag bata. Guntinga subay sa baga nga linya aron makahimo og mga flip book alang sa mga bata.

  flip book diagram

Flip Book

Gunite ang larawam nga imong giandam, ang mga flap nagtabon sa drowing. Sultihi ang mga bata nga imong ipakita kanila ang pipila ka mga litrato nga nagpakita kanato unsaon nga mahimong buotan sa panahon sa pag-ampo. Ablihi ang ibabaw nga flap ug basaha ang mga pulong sa sulod sa flap. Buhata kini sa ubos nga flap. Balika ang kalihokan, niining higayon dapita ang mga bata sa pagpraktis sa pagduko sa ilang mga ulo, pagpiyong sa ilang mga mata ug pagkyugpos sa ilang mga bukton.

Mga Balak o Kanta-Kanta nga Kalihokan

I-recite ang mosunod nga mga balak o kanta-kanta nga kalihokan ug dapita ang mga bata sa pag-apil kanimo:

Ablihi, isira kini; (ablihi ug isira ang mga kamot)

Ablihi, isira kini; (ablihi ug isira ang mga kamot)

Pakpak og hinay. (pakpak)

Ablihi, isira kini; (ablihi ug isira ang mga kamot)

Ablihi, isira kini; (ablihi ug isira ang mga kamot)

Ibutang kini sa inyong paa. (gunite ang mga kamot diha sa paa)

Pagkolor

Pakolori sa mga bata ang kopya sa mga flip book nga inyong giandam alang kanila.

Mga Tip sa Pagtudlo

Pagdayeg: “Ayaw gantihi ang buotan nga kinaiya og mga premyo o pagkaon. Ayaw himoang contest aron makita kinsa ang labing buotan. Kini makapapokus sa sayop nga mga butang. Itudlo ang tinuod nga mga ganti sa pagkabuotan, sama sa dugang pagsabut ug impluwensya sa Espiritu” (Pagtudlo, Walay Labaw ka Mahinungdanon nga Tawag, 83). Hatagi ang mga bata og klaro nga sulti sa pagdayeg kon sila magbinuotan, pananglit: “Ganahan ko sa buotan nga liningkuran ni Mary. Salamat, Mary.”

Pagkolor: Samtang ang mga bata nagkolor, ribyuha ang mga baruganan nga gitudlo sa leksyon. Itudlo ang mga detalye diha sa mga litrato, ug ipasabut ngadto kanila unsay ilang gikoloran. Basaha ang mga pulong nga anaa sa larawan ngadto kanila.