19
Ako Mahimong Magmalipayon
Pasiuna alang sa Magtutudlo
Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:
Ang atong Langitnong Amahan gusto nga kita magmalipayon; ang plano nga Iyang gihimo alang kanato sa kasagaran gitawag nga “mahinungdanon nga plano sa kalipay” (Alma 42:8). Bisan og ang kalisdanan usa ka importante nga bahin sa kinabuhi, makapili kita nga magbaton og positibo nga panglantaw, ug ang atong malipayon nga kinaiya makatabang sa uban nga mas magmalaumon usab.
Mga Kalihokan sa Pagkat-on
Sugdi pinaagi sa kalihokan sa panagpundok. Alang sa mga ideya, tan-awa sa pahina 3.
Pag-ampo
Pagdapit og usa ka bata nga mohatag sa pangbukas nga pag-ampo.
Istorya
Pagunite sa usa ka bata ang litrato sa pahina 82. Isaysay ang mosunod nga istorya:
Si Maria ug ang iyang mama nanglakaw (itudlo si Maria ug si Mama diha sa litrato). Ang ubang mga tawo nga ilang naagian nagkusmod (hangyoa ang mga bata sa pagmug-ot). Si Maria nangutana ni Mama, “Ngano nga ang mga tawo magul-anon?” Si Mama miingon, “Wala ako makahibalo, apan tingali makapahiyom kita kanila ug motabang kanila nga magmalipayon.”
Samtang sila naglakaw, nakakita si Maria og usa ka babaye nga naglakaw padulong kanila. Mipahiyom si Maria sa iyang pinakadako nga pahiyom (dapita ang mga bata sa pagpahiyom sa ilang pinakadako nga pahiyom). Sa dihang ang babaye nakakita sa malipayong nawong ni Maria, mipahiyom usab siya. Miingon si Maria, “Nahimo gyud!” Miingon si Mama, “Kon kita mopili nga magmalipayon, makatabang kini sa uban nga magmalipayon usab.”
Hangyoa ang mga bata sa pagpahiyom alang kanimo. Sultihi sila nga ang ilang mga pahiyom makatabang sa uban nga mobati nga malipayon. Hangyoa ang mga bata sa pagsulti og “malipayon.”
Kanta
Kantaha o isulti ang mga pulong sa “Smiles” [Mga Pahiyom] Children’s Songbook, 267 [Songbook sa mga Bata] ug buhata ang mga aksyon sa ubos. Dapita ang mga bata sa pag-apil kanimo.
Kon ikaw magmug-ot na, (iduot paubos ang daplin sa ba-ba aron magmug-ot)
Ayaw dugaya. (ilingo-lingo ang ulo)
Kini dayon balihon
Unya ipahiyom. (iduot pataas ang daplin sa ba-ba aron makapahiyom)
Pagmug-ot makadaot. ((bitara sa ubos ang daplin sa ba-ba aron magmug-ot)
Ipahiyom kini. (iduot ang daplin sa ba-ba aron makapahiyom)
Kalibutan magmatahum
Kon magpahiyom. (iyango-yango ang ulo)
Dula
Pabaruga ang mga bata nga magporma og lingin. Sultihi sila nga ikaw magpraktis nga mopaambit og mga pahiyom. Barug sa atubangan sa usa ka bata ug pahiyom kaniya. Dapita ang mga bata sa pagpahiyom. Dayon sulti, “Atong ipaambit ang atong mga pahiyom.” Gunite sa kamot ang bata, duol ngadto sa laing bata, ug pahiyom. Dapita ang bag-ong bata sa paggunit sa mga kamot sa unang bata ug mopaambit og mga pahiyom sa laing bata. Ipadayon hangtud ang tanang mga bata nagginunitay na sa mga kamot.
Panapos
Sultihi ang mga bata nga kon kita mopili nga magmalipayon, kita makatabang sa uban nga magmalipayon usab. Dapita ang mga bata sa pagsulti, “Ako magmalipayon!”
Pag-ampo
Pagdapit og usa ka bata nga mohatag sa panapos nga pag-ampo.
Opsyonal nga mga Kalihokan
Pagpangandam
-
Alang sa kalihokan sa pagribyu: Markahi ang pahina 67 niini nga manwal aron sayon ra nimo kini mapakli. Pagdala og mga litrato sa mga butang nga ikaw mapasalamaton, mahimo nimong gamiton ang mga litrato niini nga manwal o sa mga magasin sa Simbahan, o ikaw mahimong mag-drowing og imoha.
-
Alang sa kalihokan ginamit ang larawan: Kopyaha ang mga larawan sa pahina 83 alang sa matag bata.
Imahecoloring page, smiling-frowning faceAko Mahimong Magmalipayon
Kanta
Kantaha o isulti ang mga pulong sa “If You’re Happy” [Kon Ikaw Malipayon] Children’s Songbook, 266 [Songbook sa mga Bata] ug buhata ang mga aksyon sa ubos. Dapita ang mga bata sa pag-apil kanimo.
Kon ikaw malipayon, mopakpak ka. (pakpak, pakpak)
Kon ikaw malipayon, mopakpak ka. (pakpak, pakpak)
Kon ikaw malipayon,
Makita sa imong nawong. (pahiyom; itudlo ang nawong)
Kon ikaw malipayon, mopakpak ka. (pakpak, pakpak)
Balika, pulihan ang “pakpak” sa laing mga aksyon, sama sa “tuyoktuyok,” “pikpika ang tuhod,” ug uban pa.
Mga Balak o Kanta-Kanta nga Kalihokan
I-recite ang mosunod nga mga balak o kanta-kanta nga kalihokan ug dapita ang mga bata sa pag-apil kanimo:
Ang pahiyom makapatakod. (iduot ang daplin sa ba-ba aron makapahiyom)
Ug kon ako maguol, (iduot ang daplin sa ba-ba aron magmug-ot)
Ako maningkamot nga mopahiyom, (iduot ang daplin sa ba-ba aron makapahiyom)
Ug dayon ako mibati og kalipay! (ibutang ang duha ka kamot sa kasingkasing)
Ribyu
Balika ang duha ka mga kalihokan sa litrato gikan sa leksyon 15 (mga pahina 64 ug 65). Ipasabut nga ang paghinumdom sa tanang talagsaong mga butang nga gihatag sa Langitnong Amahan makatabang kanato nga magmalipayon.
Mapasalamaton ako sa akong pamilya.
Mapasalamaton ako sa akong mga sinina.
Mapasalamaton ako sa akong panimalay.
Mapasalamaton ako sa pagkaon nga gikaon.
Larawan
Hatagi ang matag bata og kopya sa nagpahiyom-nagmug-ot nga nawong nga anaa sa pahina 83. Dapita ang mga bata nga motan-aw sa ilang mga litrato samtang imong kantahon pag-usab ang kanta nga “Mga Pahiyom.” Tabangi sila nga mousab sa ilang mga nawong gikan sa pagmug-ot ngadto sa nagpahiyom sa saktong panahon sa kanta.