5

Si Jesukristo Mipakita Kanato Kon Unsaon sa Paghigugma sa Uban

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palangdonga ang mosunod:

Si Jesukristo maoy usa ka hingpit nga ehemplo sa kalooy ug gugma. Sa tibuok Niyang yutan-on nga pangalagad, si Jesus mipakita sa Iyang gugma alang sa uban pinaagi sa pagpanalangin ug pagserbisyo sa mga kabus, sa masakiton, ug sa naglisud. Iyang gisultihan ang Iyang mga tinun-an, “Mao kini ang akong sugo, nga kinahanglan maghigugmaay kamo ang usa sa usa, sama sa akong paghigugma kaninyo” (Juan 15:12; tan-awa usab sa Juan 13:34–35; Moroni 7:46–48).

Pagpangandam

• Markahi ang pahina 22 niini nga manwal aron sayon ra nimo kini mapakli.

• Pagdala og kopya sa mga kasulatan.

Mga Kalihokan sa Pagkat-on

Sugdi pinaagi sa kalihokan sa panagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Kanta

Sultihi ang mga bata nga sa dihang nagpuyo pa dinhi sa yuta si Jesukristo, mitudlo Siya kanato sa paghigugmaay sa usag usa; gipakita Niya kanato kon unsaon pinaagi sa mga butang nga Iyang gibuhat. Kantaha o isulti ang koro sa “I’m Trying To Be Like Jesus” [Maninguha Ko Pagsunod ni Jesus] Children’s Songbook, 78–79 [Songbook sa mga Bata] ug buhaton ang mga lihok sa ubos. Dapita ang mga bata sa pag-apil uban kanimo.

“Higugmaon ta ang usag usa. (Gaksa ang kaugalingon ug paggalinggaling)

Ug ang kaayo ipakita ta. (pagyangoyango)

Pagbinuotan sa buhat ug sulti, (gaksa ang kaugalingon ug paggalinggaling)

Kay sugo man Niya kini.” (pagyangoyango)

Mga Istorya sa Kasulatan

Ipakita sa mga bata ang kopya sa mga kasulatan. Sultihi sila nga diha sa mga kasulatan atong makat-unan kon giunsa ni Jesus sa pagpakita og gugma. Isaysay og kadali ang mosunod nga istorya:

Istorya 1 (ipakita ang larawan diha sa pahina 27): Daghang mga tawo ang miabut aron maminaw ni Jesus nga nagtudlo. Nagpabilin sila ug dugay didto ug gipanggutom og maayo (ipakaaron-ingnon ang mga bata nga gigutom). Adunay gamay lamang nga pan ug isda nga ipakaon sa tanang mga tawo. Si Jesus mipanalangin sa pagkaon ug misulti sa Iyang mga tinun-an sa paghatag niini ngadto sa mga tawo. Ang kada usa adunay igong makaon, ug dihay daghang pagkaon nga nahibilin (ipakaaron-ingnon ang mga bata nga nangaon). Tan-awa sa Mateo 14:13–21.

Pasultiha ang mga bata uban kanimo, “si Jesus mipakita kanato kon unsaon sa paghigugma sa uban,” pipila ka mga pulong sa usa ka higayon.

Si Jesukristo Mipakita Kanato Kon Unsaon sa Paghigugma sa Uban

Istorya 2 (ipakita ang litrato sa pahina 26): Usa niana ka adlaw si Jesus nakakita og usa ka tawo nga buta—dili siya makakita (pataboni sa mga bata ang ilang mga mata). Gipanalanginan ni Jesus ang tawo aron siya makakita (ipakuha sa mga bata ang tabon sa ilang mga mata). (Tan-awa sa Juan 9:1-12)

Pasultiha ang mga bata uban kanimo, “si Jesus mipakita kanato kon unsaon sa paghigugma sa uban.”

Istorya 3 (ipakita ang litrato sa pahina 22): Human mabanhaw si Jesus, miduaw Siya sa mga Nephites. Tungod kay gihigugma Niya ang mga bata, gipanalanginan Niya ang kada usa kanila (ipagakus sa mga bata ang ilang kaugalingon). (Tan-awa sa 3 Nephi 17:21-24.)

Pasultiha ang mga bata uban kanimo, “si Jesus mipakita kanato kon unsaon sa paghigugma sa uban.”

Kanta

Kantaha o isulti pag-usab ang koro sa “Maninguha Ko sa Pagsunod ni Jesus.” Dapita ang mga bata sa pagkanta ug pagbuhat sa mga lihok uban kanimo.

Panapos

Ipakigbahin ang imong pagpamatuod nga mahimo kita nga mahigugma sa uban sama sa gibuhat ni Jesus.

Pag-ampo

Pagdapit og usa ka bata nga mohatag sa panapos nga pag-ampo.

Mga Tip sa Pagtudlo

Mga Kanta: Ang mga bata ganahan sa mga butang nga ila nang nakita ug nadungog sa una. Pagkanta og mga awit o mohimo og balak o kanta-kanta nga mga bersikulo gikan niini nga leksyon o sa nangagi nga mga leksyon sa bisan unsang higayona panahon sa klase sa nursery. Kini nga pagribyu makatabang kanila nga makaton og mga kanta ug mahinumdom sa mga baruganan sa ebanghelyo nga imong gitudlo.

Mga Istorya: Sa dili pa nimo isaysay ang istorya, basaha kini sa makadaghan aron masinati niini. Samtang imong isaysay ang istorya, tan-awa ang mga bata sa mga mata aron sa pagtabang nga magpabilin ang ilang pagtagad. (Tan-awa sa Pagtudlo, Walay Labaw ka Mahinungdanon nga Tawag, 181-82.)

Ang batan-ong mga bata mahimo nga dili makasulti pag-usab niini nga hugpong sa mga pulong. Tabangi sila sa pagsulti sa mahinungdanon nga mga pulong sama sa “Jesus” ug “gugma.”

Opsyonal nga mga Kalihokan

Pagpangandam

• Alang sa puzzle: Pagdala og litrato sa Manluluwas (mahimo nimong gamiton ang litrato diha sa pahina 106 kon gusto nimo). Pangita og piraso sa papel nga sama og sukod sa litrato (o paggunting og usa ka piraso sa papel sa sama nga sukod) ug guntinga ang papel ngadto sa tulo o upat ka mga piraso aron sa paghimo og puzzle. Isulat ang “Higugmaon ko ang uban” diha sa luyo sa kada piraso.

  

• Alang sa kasulatan ginamit ang kasulatan: Pagdala og kopya sa Biblia. Markahi ang Juan 15:12 aron sayon ra nimo nga mapakli kini.

• Alang sa kalihokan ginamit ang kasulatan: Kopyaha ang larawan sa pahina 27 alang sa kada bata.

Puzzle

Tabuni ang litrato ni Jesus sa mga piraso sa puzzle. Hangyoa ang bata sa pagpili og piraso. Basaha ang hugpong sa mga pulong diha sa piraso ug ipabalik kini sa tanang mga bata. Paghisgut og usa ka paagi nga mahimong mahigugma kita sa uban (mosulti og salamat kanimo, pakigbahin, mobuhat unsay isugo sa Inahan o Amahan, hipuson ang mga dulaan, ug uban pa). Balika uban sa kada piraso hangtud nga ang larawan hingpit nga makuhaan sa tabon. Dugangi ang konsepto nga si Jesukristo mipakita kanato kon unsaon sa paghigugma sa uban.

Kasulatan

Sultihi ang mga bata nga diha sa mga kasulatan si Jesus nagtudlo kanato sa paghigugma sa uban. Ablihi ang Biblia sa Juan 15:12 ug basaha, “Maghigugmaay ang usa sa usa.” Dapita ang mga bata nga balikon ang hugpong sa mga pulong uban kanimo.

Kanta

Kantaha o isulti ang mga pulong sa “Jesu Said Love Everyone” [Si Jesus Miingon Higugmaa ang Tanan] Children’s Songbook, 61 [Songbook sa mga Bata] ug buhata ang mga lihok sa ubos. Dapita ang mga bata sa pag-apil uban kanimo.

Higugmaa ang tanan; (idupa ang mga bukton)

Jesus miingon. (pagyangoyango)

Kon puno ta sa gugma, (ibutang ang kamot sa may kasingkasing)

Mao sab sila (gaksa ang kaugalingon)

Larawan

Hatagi ang kada bata og kopya sa usa sa mga larawan diha sa pahina 27. Pangutana-a ang mga bata og mga pangutana mahitungod sa larawan aron sa pagpahinumdom kanila sa istorya nga una nimo nga giasoy kanila. Sama pananglit:

Makita ba ninyo si Jesus diha sa litrato? (ipatudlo sa mga bata si Jesus diha sa ilang mga kopya sa larawan)

Unsay anaa sa mga bukag? (sultihi ang mga bata nga magpakaaroningnon nga nangaon)

Mga Tip sa Pagtudlo

Opsyonal nga mga kalihokan: Aron makapatunhay og aktibo nga pag-apil ug pagkat- on, pulipuliha ang pagpaminaw uban sa mga kalihokan nga naglakip og paglihok. Pagbaton og gidugayon sa kada kalihokan og mga duha o tulo ka minutos.

Pagbalik-balik: Ang nagedad og nursery nga mga bata malingaw sa pagbalik-balik, ug makatabang kini kanila nga makat-on. Kon ang mga bata interesado gihapon ug naminaw, balika ang mga kalihokan aron ang kada bata adunay higayon sa pag-apil.