7

Si Jesukristo Milalang sa Kalibutan alang Kanako

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palangdonga ang mosunod:

Pagtrabaho ubos sa pagdumala sa Langitnong Amahan, si Jesukristo milalang sa maanindot nga kalibutan nga atong gipuy-an (tan-awa sa Moises 2:1). Ang katuyoan sa paglalang sa yuta mao ang paghatag kanato og usa ka dapit diin kita pagasulayan ug makabaton og mga kasinatian aron mahimong labaw ka sama sa Langitnong Amahan (tan-awa sa Abraham 3:24-25). Ang kahibulongan nga mga katahum sa yuta nagsaksi sa gahum og dakong gugma sa Langitnong Amahan ug ni Jesukristo (tan-awa sa Moises 6:63).

Pagpangandam

Pagdala og kopya sa Biblia. Markahi ang Genesis 1:1 aron sayon ra nimo kini mapakli.

Mga Kalihokan sa Pagkat-on

Sugdi pinaagi sa kalihokan sa panagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Kanta

Kantaha o isulti ang mga pulong sa “My Heavenly Father Loves Me” [Gihigugma Ako sa Langitnong Amahan] Children’s Songbook, 228–29 [Songbook sa mga Bata] ug buhata ang mga lihok sa ubos. Dapita ang mga bata sa pag-apil uban kanimo.

Sa higayon nga akong madungog (ibutang ang mga kamot nga pinasawod sa luyo sa dunggan))

Huni sa kalanggaman, (hangad, ug pagpakaaron-ingnon gipandungan ang mga mata sa kamot)

Sa higayon nga akong bation (ihikap ang mga tumoy sa tudlo sa nawong)

Ang mabugnaw’ng kahanginan, (ikawaykaway ang mga kamot)

Sa higayon nga makita ko, (i-akub ang mga kamot)

Nindot nga kabulakan, (gamita ang duha ka mga tudlo sa “paglakaw” sa lain nga bukton)

Kaanindot niining kalibutan (iisa ang mga kamot nga pinatuyok ibabaw sa ulo)

Gibuhat sa akong Amahan. (itudlo ang kaugalingon)

Kasulatan

Ablihi ang Biblia sa Genesis 1:1 ug basaha ang, “Sa sinugdan gibuhat sa Dios ang mga langit ug yuta.” Dapita ang mga bata sa pagbasa og usab sa kasulatan uban kanimo, pipila ka mga pulong sa matag usa ka higayon. Ipasabut nga ang Langitnong Amahan misugo ni Jesukristo sa pagbuhat sa kalibutan ug ang sa butang diha niini, si Jesus mibuhat usab sa adlaw aron sa paghatag nato og kahayag. Dapita ang mga bata sa pagpataas sa ilang mga kamot ibabaw sa ilang mga ulo nga pinatuyok ug moingon “adlaw.”

Sultihi ang mga bata nga si Jesus mihimo sa mga bitoon nga atong makita magabii. Dapita ang mga bata sa pag-abli ug pagsira sa ilang mga kamot sama sa mga bitoon nga nagkidlapkidlap ug moingon “bitoon.”

Litrato

Ipakita ang litrato sa pahina 34. Itudlo ang mga kahoy ug sultihi ang mga bata nga si Jesus mihimo sa mga tanom. Dapita ang mga bata sa pagbarug ug ituyhad ang ilang mga bukton pataas, magpakaaron-ingnon nga mga kahoy nga naghuyop sa hangin. Dapita sila sa pagsulti “mga kahoy.”

Itudlo ang mga mananap nga anaa sa litrato ug ipasabut nga si Jesus mihimo sa mga mananap. Dapita ang mga bata sa paghingalan og pipila sa mga mananap ug mohimo og pipila ka mga tingog sa mananap.

Panapos

Ipasabut nga si Jesus mihimo niining tanan nga mga butang tungod kay Siya nahigugma kanato. Ipahayag ang imong pasalamat alang sa atong maanindot nga kalibutan.

Pag-ampo

Pagdapit og usa ka bata nga mohatag sa panapos nga pag-ampo.

Mga Tip sa Pagtudlo

Mga Kanta: “Kadaghanan sa mga bata malingaw sa pagapil og ang musika nga mga kalihokan. Ang makadani nga mga kompas sa musika makatabang sa mga bata nga mahinumdom … sa mensahe sa mga pulong. Ang musika makapadugang sa salabutan sa mga bata sa mga baruganan sa ebanghelyo ug makapalig- on sa ilang mga pagpamatuod” (Pagtudlo, Walay Labaw ka Mahinungdanon nga Tawag, 174).

Gagmay nga mga bata: Kon ang mga bata wala na mahimutang sa wala pa nimo mahuman ang tanang mga kalihokan sa pagkat-on, sakto ang paghunong niini sa leksyon ug mobuhat og usa ka kalihokan nga motugot sa mga bata sa paglihok, sama sa paglakawlakaw, pagduyan, o mopalihok sa ilang mga bukton. Samtang ang mga bata magkadako na, makahimo na sila sa pagpokus og dugaydugay nga tagal sa panahon.

Opsyonal nga mga Kalihokan

Pagpangandam

• Alang sa kalihokan ginamit ang liso: Pagdala og plastik nga tasa alang sa kada bata. Pagdala usab og yuta aron ibutang sa mga tasa ug pagdala og mga liso (sama sa batong, mais, o mga liso sa trigo) nga itanom sa matag bata. Sa kada tasa isulat, “Si Jesukristo Mihimo og mga Liso alang Kanako.” Pag-andam og mubo nga sulat nga dad-on sa mga bata sa ilaha nga nagpasabut kon unsaon sa pag-atiman sa liso.

• Alang kalihokan ginamit ang libro: Paghimo og kopya sa pahina 35 nga koloran sa kada bata. Pagdala og pipila ka tape o papilit.

  

  Si Jesukristo Milalang sa Kalibutan alang Kanako

  Si Jesus milalang sa adlaw.

  Siya milalang sa buwan ug sa mga bitoon.

  Siya milalang sa mga tanom.

  Siya milalang sa mga mananap.

  Siya milalang sa mga langgam.

Kanta

Kantaha o isulti ang mga pulong sa “The World Is So Lovely” [Maanindot Kaayo nga Kalibutan] Children’s Songbook, 233 [Songbook sa mga Bata] ug buhata ang mga lihok sa ubos. Dapita ang mga bata sa pag-apil uban kanimo.

Nalipay kos’ nindot nga kalibutan (iduot ang mga tumoy sa ba-ba aron makapahiyom)

Kanako gihimos’ Ginoong tanan—(itudlo ang kaugalingon)

Ang silak sa adlaw, (ipataas ang mga bukton ipatuyok ibabaw sa ulo) ang bulak, (pagpakaaron-ingnon nga mosimhot og bulak) manga bitoon, (ibuka ug isira ang mga kamot sama sa nagkidlapkidlap nga mga bitoon)

Gipuy-ang balay, dunay higugmaay. (gaksa ang kaugalingon)

Kalihokan ginamit ang Liso

Sudli og yuta ang kada usa sa mga tasa nga imong gidala ug patanuma ang kada bata og liso. Samtang gibuhat nila kini, sultihi sila nga kon ilang bisbisan ang ilang mga liso ug ibutang kini diin makakuha kini og daghang silaw sa adlaw, ang mga liso mahimong mga tanom. Pahinumdumi sila nga si Jesukristo ang mihimo sa mga liso, yuta, ulan, ug sa silaw sa adlaw. Ipadala sa mga ginikanan ang mga tasa sa ilang mga anak aron ilang mabantayan ang ilang mga liso nga motubo. Kini nga kalihokan maoy labing angay alang sa mas dagko nga mga bata.

Libro

Pakolori sa mga bata ang kopya sa larawan nga anaa sa pahina 35. Samtang nagkolor sila, ribyuha ang mga butang nga imong gitudlo sa leksyon. Kon mahuman na sila, pil-a ang larawan ug i-tape o ipapilit kini sumala sa mga panudlo diha sa larawan. Dayon basaha ang libro uban sa mga bata.

Mga Tip sa Pagtudlo

Kalihokan ginamit ang Liso: Kon pilion nimo sa pagbuhat niini nga kalihokan, hipusa ang mga tasa sa yuta sa usa ka luwas nga lugar hangtud panahon na sa pagpamauli sa mga bata. Kon ang imong nursery magtagbo sa dili pa ang miting sa sakrament, ayaw ipadala sa mga bata ang mga tasa sa yuta sulod sa simbahan. Hinoon, ihatag ang mga tasa ngadto sa mga ginikanan human sa miting sa sakrament.

Libro: I-konsider ang paghimo og kahon alang sa kalihokan nga hipuson diha sa nursery. Mahimo kini nga masudlan sa libro nga imong gihimo alang niini nga leksyon ug ubang mga butang nga imong himoon o gamiton alang sa mga kalihokan. Dayon mahimo nimo nga balikon kadtong mga kalihokan panahon sa umaabot nga mga klase sa nursery aron maribyu ang nangagi nga mga leksyon. Mahimo nimong gamiton kini nga mga butang sa bisan unsang higayon panahon sa klase sa nursery.