23
Ganahan Ako sa mga Kasulatan
Pasiuna alang sa Magtutudlo
Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:
Ang Simbahan ni Jesukristo sa mga Santos sa Ulahing mga Adlaw midawat sa Biblia, sa Basahon ni Mormon, sa Doktrina ug mga Pakigsaad, ug sa Perlas nga Labing Bililhon isip kasulatan. Ang katuyoan sa mga kasulatan mao ang pagpamatuod ni Jesukristo, motabang kanato nga mahiduol ngadto Kaniya ug makadawat og kinabuhing dayon (tan-awa sa 2 Nephi 25:26; Helaman 3:29–30). Kini nga mga kasulatan naglakip usab og mga istorya mahitungod sa mga tawo kinsa napanalanginan tungod sa pagsunod sa Langitnong Amahan. Si Nephi mipadayag sa iyang gugma alang sa mga kasulatan niining paagiha: “Kay ang akong mga kalag nalipay sa mga kasulatan, ug ang akong kasingkasing namalandong kanila” (2 Nephi 4:15).
Pagpangandam
-
Basaha ang Marcos 10:13–16 ug 1 Nephi 17:7–10; 18:1–4. Pag-andam sa pag-summarize niini nga mga istorya sa lakbit alang sa mga bata.
-
Dad-a ang imong kopya sa mga kasulatan.
-
Markahi ang pahina 70 niini nga manwal aron sayon ra nimo kini mapakli.
Mga Kalihokan sa Pagkat-on
Sugdi pinaagi sa kalihokan sa panagpundok. Alang sa mga ideya, tan-awa sa pahina 3.
Pag-ampo
Pagdapit og usa ka bata nga mohatag sa pangbukas nga pag-ampo.
Intruksyon sa Doktrina
Ipakita sa mga bata ang imong mga kasulatan ug sultihi sila kon unsa nimo ka mahal ang mga kasulatan. Hangyoa ang mga bata sa pagsulti og “mga kasulatan.” Sultihi sila nga kita makakat-on mahitungod sa Langitnong Amahan ug ni Jesukristo gikan sa mga kasulatan; atong nakat-unan nga sila nahigugma kanato ug gusto nga kita magmalipayon.
Mga Istorya sa Kasulatan
Ipakita ang litrato sa pahina 98 ug itudlo si Jesus. Ipasabut nga ang mga kasulatan nagtudlo kanato mahitungod ni Jesus. Ablihi ang Biblia ug i-summarize sa lakbit ang istorya ni Jesus nga nanalangin sa mga bata (tan-awa sa Marcos 10:13–16). Ang mosunod usa ka ehemplo:
Si Jesus nahigugma sa mga bata. Usa ka adlaw niana ang mga tawo midala sa ilang gagmay nga mga bata ngadto ni Jesus (itudlo ang mga bata diha sa litrato). Iyang gikugos sila sa Iyang mga bukton ug mipanalangin kanila.
Ipakita ang litrato sa pahina 70. Ipasabut nga ang mga kasulatan nagsulti kanato mahitungod sa mga katawhan kinsa napanalanginan sa dihang misunod sila sa Langitnong Amahan. Ablihi ang Basahon ni Mormon ug i-summarize sa lakbit ang istorya ni Nephi nga nagbuhat og barko (tan-awa sa 1 Nephi 17:7–10; 18:1–4). Ang mosunod usa ka ehemplo:
Kini si Nephi (itudlo si Nephi diha sa litrato). Ang Ginoo misulti ni Nephi sa pagbuhat og barko. Wala gayud si Nephi makabuhat og barko sukad, apan siya misunod. Ang Ginoo mipakita kaniya unsaon sa pagbuhat og barko. (Sultihi ang mga bata nga magpakaaron-ingnon nga magbuhat og barko.)
Kanta
Kantaha ang koro sa “Search, Ponder, and Pray” [Pagsiksik, Pamalandong, ug Pag-ampo] Children’s Songbook, 109 [Songbook sa mga Bata] ug buhata ang mga aksyon sa ubos. Dapita ang mga bata sa pag-apil kanimo.
Siksik, (pagpakaaron-ingnon nga nag-abli sa mga kasulatan) pamalandong, ug pag-ampo (ikyugpos ang mga bukton)
Ang pagabuhaton ko (itudlo ang kaugalingon)
Akong masayran
Nga tinuod ang manga kasulatan. (pagpakaaron-ingnon nga naggunit og abli nga libro)
Panapos
Ipasulti og usab sa mga bata ang pulong, “Ganahan ko sa mga kasulatan.” Ipakigbahin ang imong gugma alang sa mga kasulatan ug ang imong pagpamatuod nga kini tinuod.
Pag-ampo
Pagdapit og usa ka bata nga mohatag sa panapos nga pag-ampo.
Opsyonal nga mga Kalihokan
Pagpangandam
-
Alang sa kalihokan ginamit ang puppet: Kopyaha ug guntinga ang mga larawan nga anaa sa pahina 99 alang sa matag bata ug paghimo og dugang nga kopya alang sa imong kaugalingon. Pag-tape o pagpilit og tukog sa likod sa matag larawan aron makahimo og mga puppet.
Imahecoloring page, Adam and Eve, Noah, MosesAdan ug Eva
Noe
Moises
Kalihokan ginamit ang Puppet
Pakolori sa mga bata ang mga larawan nga imong gigunting. Kon kini mahuman na, ipakita ang imong puppet nga si Adan ug Eva ug dapita ang mga bata nga mopakita sa ilaha. Hangyoa sila sa pagsulti “Adan ug Eva.” Ablihi ang Daang Tugon ug sultihi ang mga bata nga ang mga kasulatan nagsulti kanato nga si Adan ug si Eva mao ang unang mga tawo sa yuta; nagpuyo sila sa Tanaman sa Eden. Sultihi ang mga bata nga magpakaaron-ingnon nga ilang palakton ang ilang mga puppet diha sa tanaman.
Ipakita ang imong puppet nga Noe ug dapita ang mga bata sa pagpakita sa ilaha. Hangyoa sila sa pagsulti “Noe.” Sultihi sila nga ang mga kasulatan nagsulti kanato nga si Noe nagbuhat og arka ug mipasulod sa mga hayop ngadto sa iyang arka. Sultihi ang mga bata nga magpakaaron-ingnon nga mga hayop.
Ipakita ang imong puppet nga Moises ug dapita ang mga bata sa pagpakita sa ilaha. Hangyoa sila sa pagsulti og “Moises.” Sultihi sila nga ang mga kasulatan nagsulti kanato nga ang Ginoo mihatag ni Moises og 10 ka mga sugo. Dapita ang mga bata sa pagpataas sa 10 ka mga tudlo samtang moihap hangtud sa 10.
Mga Balak o Kanta-Kanta nga Kalihokan
I-recite ang mosunod nga mga balak o kanta-kanta nga kalihokan ug dapita ang mga bata sa pag-apil kanimo:
Tudloi ako sa mga kasulatan; (pagpakaaron-ingnon nga nagbasa sa mga kasulatan)
Nagsulti kini sa kamatuoran. (itudlo ang kaugalingon)
Tudloi ako kon giunsa sa mga propeta sa pagsunod.
Tudloi ako sa mga kasulatan; (pagpakaaron-ingnon nga nagbasa sa mga kasulatan)
Kinahanglang makahibalo ako sa kamatuoran. (itudlo ang kaugalingon)
Tudloi ako aron ako makahibalo sa agianan.