Mubo nga Leksyon: Maayong Pag-abut sa Nursery

Mga Kalihokan sa Pagkat-on

Maayong Pag-abut

Kon adunay usa ka bata nga mosulod sa klase sa nursery sa unang higayon, pagpili og panahon nga ang mga bata magkapundok (sama sa leksyon, snack, o panahon sa musika), ug sultihi ang mga bata sa pangalan sa bag-ong bata. Sultihi ang bag-ong bata kon unsa ikaw ka malipayon nga siya anaa sa klase sa nursery.

Kanta

Sultihi ang mga bata nga ikaw gusto nga mokanta og espesyal nga kanta. Kantaha o isulti ang mga pulong sa “Hello” [Hello] Children’s Songbook, 260 [Songbook sa mga Bata] ug hangyoa ang mga bata sa pagsulti og ‘hello” kon ikaw motudlo kanila panahon sa kanta. Mahimo nimong praktison kini pipila ka mga higayon sa dili pa ikaw mokanta.

Hello! (itudlo ang mga bata: “Hello!”) Hello! (itudlo ang mga bata: “Hello!”)

Ga welcome mi ninyo. (itudlo ang mga bata: “Hello!”)

Hello! (itudlo ang mga bata: “Hello!”) Hello! (itudlo ang mga bata: “Hello!”)

Lipay mi kaayo

Nga nia mo sa ‘tong Primary

Ug maghigalaay kita dinhi.

Hello! (itudlo ang mga bata: “Hello!”) Hello! (itudlo ang mga bata: “Hello!”)

Ga welcome mi ninyo.

Panapos

Isulti ngadto sa bag-ong bata, “[Pangalan sa bata], malipayon kaayo kami nga ikaw ania sa atong klase sa nursery!”

Mga Tip sa Pagtudlo

Ang usa ka bata mahimong madasig o mahadlok sa iyang unang higayon sa nursery. Pinaagi sa pagpakita og gugma ug pailub, ikaw daghan og mahimo aron ang unang kasinatian sa bata sa nursery makalingaw. Ang mga bata mas komportable kon sila masayud unsa ang mapaabut. Kutob sa mahimo, paningkamuti ang paghimo og pirme nga kalihokan diha sa nursery. Hatagi ang bag-ong mga bata og panahon nga makaila kanimo, sa ubang mga bata, ug sa palibut.

Kon ang bata gusto nga mobiya ug moadto sa iyang mga ginikanan, pahibaloa ang mga ginikanan nga OK ra Dapita ang mga ginikanan sa pagsulti og positibo nga mga butang mahitungod sa nursery nianang semanaha.