Minahal nga mga Ginikanan,
Gipaabut namo ang inyong anak sa among klase sa nursery! Aniay pipila ka mga butang nga inyong mabuhat aron mhimong makalingaw ang kasinatian sa inyong anak:
-
Pagsulti og positibo nga mga butang nganha sa inyong anak mahitungod sa klase sa nursery sulod sa semana sa dili pa siya mosugod sa pagtambong.
-
Pakigsulti sa inyong anak mahitungod sa unsay mahitabo sa klase sa nursery. Tabangi siya nga masayud unsay mapaabut.
-
Atimana una ang pagpaadto sa kasilyas ug pagpakaon sa inyong anak sa dili pa ninyo siya dad-on sa klase sa nursery. Ang bata kon kinahanglan ilisan og lampin dad-on ngadto sa ginikanan.
-
Pahibaloa ang mga lider sa nursery kon ang inyong anak adunay pamation, sama sa allergy sa pagkaon.
-
Pabilin diha sa klase sa nursery uban sa inyong anak kon siya mahadlok.
-
Sultihi ang mga lider sa nursery kon asa ikaw panahon sa klase sa nursery.
-
Pasaligi pag-usab ang inyong anak nga mobalik ka ra unya.
-
Balik dayon aron sa pagkuha sa inyong anak pagkahuman sa klase sa nursery. Kon usa ka tawo gawas sa ginikanan o igsoon mokuha sa inyong anak, palihug pahibaloa ang mga lider sa nursery nga kining tawhana adunay pagtugot ninyo sa pagbuhat sa ingon.
-
Dugangi diha sa panimalay kon unsay gitudlo sa leksyon sa nursery.
-
Kon mahimo, palihug maghatag og litrato sa inyong anak ug usa ka litrato sa pamilya sa inyong anak.
Palihug ayaw dad-a ang inyong anak ngadto sa klase sa nursery kon siya nasakit o kon aduna sa mosunod nga mga sintoma:
-
Hilanat
-
Subaw [runny nose]
-
Ubo
-
Dili kasagaran nga pagsapot
-
Pagsukasuka
-
Kalibanga
-
Pagpangatol
-
Magluhaluha
-
Kuto
-
Usa ka sakit o impeksyon nga gitambalan og antibiotic nga misobra na og 48 ka oras
-
Usa ka sakit nga manakod:
-
Hangga (pito na ka adlaw)
-
Tipdas (hangtud nga ang panglibagha mawala)
-
Dupang (hangtud nga ang panglibagha mawala)
-
Bayuok (hangtud nga ang paghubag mawala, sa kasagaran pito ka adlaw)
-
Nagnana nga hubaghubag sa nawong (Impetigo)
-
Kon ang inyong anak adunay allergy nga nagdala og subaw, ubo, o alipunga, palihug pahibaloa ang mga lider sa nursery nga ang mga sintoma sa inyong anak dili makatakud.
Ayaw kaikog sa pagpakigkita sa mga lider sa nursery kon kamo adunay mga kabalaka o mga pangutana:
|
|
|
|
|
|